शेअर बाजाराच्या सुरुवातीचा ट्रेड
आजचा व्यवहार सुरू होण्यापूर्वीच देशांतर्गत शेअर बाजारावर दबाव दिसून येत होता. सिंगापूरमध्ये NSE निफ्टीचा फ्युचर्स SGX निफ्टी सकाळी सुमारे २८ अंक किंवा ०.१७टक्के घसरला होता. यामुळे देशांतर्गत मार्केटची आजची सुरुवात खराब होईल असे संकेत मिळाले.
दिग्गज IT कंपनीचा शेअर ३१०० रुपयांवर, खरेदी-विक्री की होल्ड करावं? मार्केट एक्स्पर्ट म्हणतात…
दरम्यान, बाजाराच्या सुरुवातीच्या सत्रात दोन्ही प्रमुख निर्देशांकांनी आज किरकोळ वाढीसह सुरुवात केली, पण सकाळपासूनच बाजार अस्थिरता पसरलेली दिसून आली. सकाळी ९:१५ वाजता बाजाराच्या सुरुवातीला बीएसईचा ३० शेअर्सचा निर्देशांक, सेन्सेक्सने किंचित वाढीसह ५८,००० अंकांची मानसशास्त्रीय पातळी ओलांडली. मात्र, काही वेळातच निर्देशांकात पुन्हा एकदा घसरण झाली. त्याचप्रमाणे एनएसई निफ्टीही कधी ग्रीन तर कधी रेड झोनमध्ये जात आहे. यामुळे आज बाजारात उलथापालथीचे वातावरण पाहायला मिळत आहे.
शेअर बाजारात मोठे चढउतार, आता मध्यमवर्गीय गुंतवणूकदारांनी काय करावं?
जागतिक बाजारात संमिश्र संकेत
गुरुवारी, अमेरिकन बाजार एक दिवस आधीच्या जबरदस्त घसरणीतून सावरले. डाऊन जोन्स ०.२३ टक्के, एस अँड पी ५०० ०.३० टक्के आणि टेक-केंद्रित नॅसडॅक कंपोझिट इंडेक्स १.०१ टक्क्यांनी वाढीसह बंद झाला. मात्र, आशियाई बाजारात आज वेगळे चित्र दित असून आजच्या व्यवहारात आशियाई बाजार घसरले आहेत.
गुंतवणूकदारांचे फोकस
आजच्या व्यवहार सत्रात इंडियाबुल्स हाऊसिंग फायनान्स, बायोकॉन आणि हिंदुस्तान एरोनॉटिक्स F&O बंदीच्या यादीत आहेत. तर आज गुंतवणूकदारांच्या नजरा अदानी समूहाच्या कंपन्यांवर असेल, ज्या सतत मार्केटच्या वाटचालीवर मात करत आहे. त्याचबरोबर कर्जाच्या संकटात अडकलेल्या वेदांता कंपनीच्या शेअर्समध्येही मोठा बदल पाहायला मिळू शकतो.
गुंतवणुकीची चांगली संधी! दमदार परताव्यासाठी दिग्गज ब्रोकरेजचा ‘हा’ स्टॉक खरेदीचा सल्ला
सुरुवातीची स्थिती काय
सुरुवातीच्या व्यवसाय सत्रात बहुतेक मोठ्या कंपन्यांनी घसरण नोंदवली आहे. सेन्सेक्सच्या ३० पैकी १८ कंपन्यांचे शेअर्स लाल चिन्हात तर केवळ १२ कंपन्यांच्या समभागांनी चांगली वाढ नोंदवली आहे. याशिवाय बँकिंग आणि फायनान्स शेअर्समध्ये आजही घसरणीचे सत्र पाहायला मिळत आहे. बजाज फायनान्स आणि बजाज फिनसर्व्हला सर्वाधिक नुकसान झाले आहे.
