Amruta Fadnavis Blackmail Case Against Aniksha Jaisinghani Update; आरोपी अनिक्षाच्या जबाबाने अमृता फडणवीस प्रकरणात नवा ट्विस्ट; वेगळ्या माहितीने पोलीसही संभ्रमात
म. टा. खास प्रतिनिधी, मुंबई : उपमुख्यमंत्री देवेंद्र फडणवीस यांच्या पत्नी अमृता फडणवीस यांना लाच आणि खंडणी देण्याच्या गुन्ह्यात अटकेत असलेली अनिक्षा जयसिंघानी हिने आपण फॅशन डिझायनर नसल्याचे म्हटले आहे. मी केवळ एक कायद्याची विद्यार्थिनी असल्याचे ती सांगत आहे. चौकशीमध्ये वेगवेगळी माहिती समोर येत असल्याचे पोलिसांनी म्हटले आहे. फॅशन डिझायनर नसताना ती नेमकी कोणती ओळख सांगून उपमुख्यमंत्री यांच्या पत्नीपर्यंत पोहोचली आणि इतके वर्ष संपर्कात कशासाठी होती? याचा तपास पोलिस करत आहेत.फॅशन डिझायनर असल्याचे सांगत अनिक्षा हिने जवळीक मिळवत गुन्हेगारी प्रकरणातून वडिलांना बाहेर काढण्यासाठी मदतीची मागणी केली. याबदल्यात बुकींकडून सट्ट्यातून मिळणारे पैसे तसेच मदत करण्यासाठी एक कोटी रुपये देऊ केले. बनावट ऑडिओ आणि व्हिडीओ क्लिप पाठवून त्याआधारे ब्लॅकमेल करत दहा कोटींची खंडणी मागितली, असा आरोप करीत उपमुख्यमंत्री देवेंद्र फडणवीस यांच्या पत्नी अमृता यांनी मलबार हिल पोलिस ठाण्यात तक्रार केली. त्यांच्या तक्रारीवरून मलबार हिल पोलिसांनी गुन्हा दाखल करून आधी अनिक्षा आणि नंतर तिचे वडील अनिल जयसिंघानी याला अटक केली. दोघेही सध्या पोलिस कोठडीत असून दोघांची याप्रकरणात समोरासमोर बसून चौकशी केली जात आहे. कल्याण-डोंबिवलीकरांसाठी खूशखबर! अनधिकृत इमारती होणार अधिकृत; मात्र निकष काय? जाणून घ्या…
अनिक्षा आपला जबाब वारंवार बदलत असून आपण फॅशन डिझायनर नसल्याचे तिने म्हटले आहे. मात्र तिच्या घरी पोलिसांनी काही ड्रेस आणि ज्वेलरी सापडली आहे. कायद्याची विद्यार्थिनी असल्याचे सांगणाऱ्या अनिक्षा हिने महागडे ड्रेस आणि ज्वेलरी कशासाठी आणली याचा तपास पोलिस करत आहेत. अमृता यांनी आपल्याला अडकवण्यासाठी तिने हे ड्रेस आणि ज्वेलरी वापरल्याचा आरोप तक्रारीत केला आहे.
कल्याण-डोंबिवलीकरांसाठी खूशखबर! अनधिकृत इमारती होणार अधिकृत; मात्र निकष काय? जाणून घ्या…
