छत्रपती संभाजीनगर : उद्धव ठाकरे यांचं चिन्ह ज्या दिवशी काढून घेतलं, त्या दिवशी मी खूप भावूक झालो. मी उद्धव ठाकरे यांच्या शिवसेनेत जाण्याचा निर्णय घेतला. परंतु, प्रतिसाद मिळाला नसल्‍याचा दावा कन्नडचे माजी आमदार हर्षवर्धन जाधव यांनी केला. जाधवांनी नुकताच तेलंगणाचे मुख्यमंत्री चंद्रशेखर राव यांच्या उपस्थितीत भारत राष्ट्र समिती अर्थात बीआरएस पक्षात प्रवेश केलाभाजपला ठोकायच म्हणून मी ठाकरे गटातील नेते चंद्रकांत खैरे यांना सपोर्ट केला. मी कन्नडच्या आमदारांना देखील सर्पोट करायला तयार झालो. मी ही भूमिका उद्धव ठाकरेंकडे पोहोचवली. पण ‘नॉट इंटरेस्टेड’ असं उत्तर आल्याचा दावा हर्षवर्धन जाधव यांनी केला. त्यांनी माजी मंत्री बबनराव घोलप आणि आपल्यातील कॉल‌ रेकॉर्डिंग पत्रकार परिषदेत ऐकवत हा गौप्यस्फोट केला. तसेच हा उद्धव ठाकरेंच्या पर्सनालिटीचा ड्रॉबॅक असल्याचंही जाधव म्हणाले.

बीआरएस पक्षाने सांगितल्यास कन्नड विधानसभा आणि जालना लोकसभा निवडणूक लढवणार. पक्ष जिथे सांगेल तिथून निवडणूक लढवणार असल्याचे हर्षवर्धन जाधव यांनी सांगितले. तसेच नामांतरावरुन आक्षेप नोंदवण्याची काय फॅशन आहे. बॉम्बेच मुंबई झालं; तेव्हा कोणी आक्षेप घेतला नाही. तुमचं हिंदुत्ववादी सरकार आहे, घ्या निर्णय, कोणी अडवलं? काहीही नाव ठेवा पण पाणी द्या, रस्ते द्या अशी भूमिका हर्षवर्धन जाधव यांनी घेतली.

कन्नडचे माजी आमदार हर्षवर्धन जाधव गेल्या काही वर्षांपासून या ना त्या वादाच्या रूपाने चर्चेत असतात. गेली लोकसभा निवडणूक लढवून त्यांनी लाखो मतं मिळवली होती. परिणामी शिवसेनेचा अभेद्य गड मानल्या जाणाऱ्या औरंगाबाद लोकसभेत शिवसेना उमेदवार चंद्रकांत खैरे यांना पराभवाचा फटका बसला होता. पर्यायाने एमआयएम पक्षाचे उमेदवार इम्तियाज जलील हे खासदारपदी निवडून आले होते.

राहुल गांधींनी ओबीसी समाजाची माफी मागावी, महाराष्ट्र काँग्रेसमधील बड्या नेत्याची मागणी

कोण आहेत हर्षवर्धन जाधव?


हर्षवर्धन जाधव मनसेचे माजी आमदार आहेत. विधानसभेवर निवडून गेलेल्या १३ महाराष्ट्र नवनिर्माण सेनेच्या आमदारांमध्ये त्यांचा समावेश होता. औरंगाबाद जिल्ह्यातील कन्नड मतदारसंघातून ते विधानसभेवर निवडून गेले होते. त्यानंतर पक्षांतर्गत वादामुळे त्यांनी मनसेला रामराम ठोकून शिवसेनेत प्रवेश केलेला. शिवसेनेच्या तिकिटावर त्यांनी निवडणूक जिंकलीही. मात्र अल्पावधीतच त्यांनी सेनेलाही जय महाराष्ट्र केला. त्यानंतर जाधवांंनी स्वत:चा शिवस्वराज्य बहुजन पक्ष स्थापन केला. गेल्या लोकसभा निवडणुकीत ते अपक्ष म्हणून रिंगणात उतरले, परंतु निवडणुकीत त्यांना पराभवाचा सामना करावा लागला होता.

५० नाही, विधानसभेला १२६ जागा सोडाव्याच लागतील, कीर्तिकरांनी भाजपला ठणकावलं

LEAVE A REPLY

Please enter your comment!
Please enter your name here