आर्थिक संकटांचे वारे! ‘या’ ३० बँका बुडाल्या तर निर्माण होईल आणीबाणी, मग भारतीय बँकांचं काय?ड्यूश बँक शेअरची किंमत कोसळली
शुक्रवारी डॉइश बँकेच्या शेअरच्या किमतीत सुमारे ८% मोठी घसरण नोंदवली गेली होती. यामुळे बँकिंग व्यवस्थेबाबत गुंतवणूकदारांमध्ये अनिश्चिततेचे वातावरण निर्माण झाले असून अशा स्थितीत शुक्रवारी डॉइश बँकेच्या शेअर्समध्ये जबरदस्त विक्री दिसून आली. त्याचवेळी, गेल्या एका महिन्यात ड्यूश बँकेच्या शेअर्समध्ये २४ टक्क्यांची मोठी घसरण झाली असून द स्पेक्टेटर इंडेक्सनुसार, या जर्मन बँकेची एकूण मालमत्ता $१.४ ट्रिलियन आहे. त्याच वेळी, बँकेने २०२२ मध्ये एकूण $६ अब्ज डॉलर्सचा नफा नोंदवला होता.
बँक शेअर्सच्या शेअर्समधील पडझडीचे कारण काय?
शुक्रवारी ड्यूश बँकेचे समभाग १५% हून अधिक कोसळले. यानंतर शेअर्समध्ये काही सुधारणा झाली असून एकूण ८% घसरणीसह ८.५४ युरोवर क्लोज झाला. लक्षात घेण्यासारखे आहे की बँकेच्या शेअर्समध्ये झालेली घसरण केवळ जागतिक बँकांवरील प्रचंड दबावामुळे नाही तर बँकेच्या क्रेडिट-डिफॉल्ट स्वॅप इन्शुरन्सची किंमत २०२० च्या तुलनेत अनेक पटींनी वाढली आहे. अशा स्थितीत बँकेच्या शेअर्समध्ये अस्थिरता निर्माण झाली असून समभागांची जोरात विक्री सुरू झाली आहे. क्रेडिट-डिफॉल्ट स्वॅप विमा हा बँका डीफॉल्टच्या बदल्यात कंपनी किंवा ब्रँडला दिला जातो.
समजून घ्या, सायबर फ्रॉड करताना नेमके तुमचे डिटेल्स समोरच्याला कसे मिळतात?
जर्मनीतील सर्वात मोठी बँक
दरम्यान बँकिंग संकटादरम्यान जर्मन चांसलर ओलाफ स्कोल्झ यांनी युरोपची बँकिंग व्यवस्था पूर्णपणे सुरक्षित आहे आणि गुंतवणूकदारांना घाबरण्याची गरज नाही, असे आश्वासन दिले आहे. विशेष म्हणजे ड्यूश बँक ही जर्मनीतील सर्वात मोठी बँक असून देशाच्या अर्थव्यवस्थेत त्याची महत्त्वाची भूमिका आहे. ही बँक देशासह इतर अनेक देशांमध्ये कार्यरत आहे.
जगातील सर्वात सुरक्षित बँकांपैकी एक ड्यूश बँक देखी आहे. ही बँक सहसा सर्वात जास्त कॉर्पोरेट कर्ज देत असून बँकेची एकूण मालमत्ता $१.४ ट्रिलियन एवढी आहे. अशा परिस्थितीत या बँकेवर कोणत्याही प्रकारचे संकट ओढवले तर ते संपूर्ण युरोपला वेठीस धरू शकते.
