BCCI कडून टीम इंडियाचं सेंट्रल कॉन्ट्रॅक्ट जाहीर; जडेजा-हार्दिकचं प्रमोशन; तर राहुलला मिळाला धक्कापाठीच्या दुखापतीमुळे जसप्रीत बुमराह गेल्या काही वर्षांत अनेक देशांतर्गत आणि आंतरराष्ट्रीय स्पर्धांना मुकला आहे. गेल्या वर्षीही त्याच्यासोबत असेच काहीसे घडले होते. पाठीच्या समस्येमुळे त्याला टी-२० विश्वचषकातून बाहेर व्हावे लागले. त्याला नुकत्याच झालेल्या भारत विरुद्ध ऑस्ट्रेलिया बॉर्डर गावस्कर ट्रॉफीमधूनही बाहेर पडावे लागले. बुमराहला सेंट्रल कॉन्ट्रॅक्टमध्ये डिमोशन मिळायला हवे होते, असे लोकांचे म्हणणे आहे. A+ श्रेणीत बुमराहच्या जागी मोहम्मद शमीचा समावेश करण्याची मागणी अनेकजण करत आहेत.
यावेळी सर्वात मोठ्या श्रेणीत ३ ऐवजी ४ खेळाडू सहभागी झाले होते. या करारानंतर बुमराहच्या नावावरुन गदारोळ झाला आहे. तर हार्दिक पांड्या आधीच्या करारात दुखापतीमुळे २ ग्रेड घसरला होता. खरे तर गेल्या वर्षी जुलैमध्येच पांड्या वर्षभरानंतर संघात परतला होता. तो बर्‍याच दिवसांपासून दुखापतीने त्रस्त होता, ज्याचा त्याला २०२१-२०२२ च्या करारामधअये परिणाम जाणवला होता आणि तो थेट A वरून C श्रेणामध्ये गेला होता.
अयोध्येतील काकांचे क्रिकेट प्रेम, कुटुंबाला व्हिडिओ कॉलवर दाखवली भारतीय संघाची नेट प्रॅक्टीस
अशा परिस्थितीत, दुखापतीमुळे दीर्घकाळ संघाबाहेर राहिल्यानंतर पांड्याच्या ग्रेडमध्ये २ ग्रेडची घसरण होऊ शकते, तर बुमराह A+ ग्रेडमध्ये कसा राहील, यासोबतच त्याच्या संघात पुनरागमनालाही अजून वेळ लागू शकतो. वास्तविक गेल्या वर्षी पाठीत स्ट्रेस फ्रॅक्चर झाले होते. आता तर तो यंदाचा एकदिवसीय विश्वचषक खेळण्यावरही धोका निर्माण झाला आहे.
