हिंडेनबर्ग रिसर्चच्या अहवालानंतर अनेक बड्या गुंतवणूकदारांनी अदानी समूहाच्या शेअर्समध्ये गुंतवणूक करणे टाळले, मात्र त्यानंतरही एम्प्लॉईज प्रॉव्हिडंट फंड ऑर्गनायझेशनमध्ये टाकलेल्या तुमच्या पैशाचा मोठा हिस्सा अदानी समूहाच्या दोन कंपन्यांमध्ये गुंतवला. गौतम अदानी यांच्या समूहाच्या अदानी एंटरप्रायझेस आणि अदानी पोर्ट्सची नावे यामध्ये समाविष्ट आहेत. दरम्यान, ईपीएफओच्या बोर्ड सदस्यांची आज एक बैठक होणार असून या बैठकीत गौतम अदानी समूहाच्या कंपन्यांमध्ये ईपीएफओची गुंतवणूक चालू ठेवायची की नाही याचा निर्णय घेतला जाईल.
हिंडेनबर्गचा वार फुस्स… अदानी समूहाचा छुपा रुस्तम शेअर, गुंतवणूकदारांनी लाखो कमावले!
कर्मचारी भविष्य निर्वाह निधी संघटना ईपीएफओकडे संघटीत क्षेत्रातील सुमारे २८% गुंतवणूकदारांच्या ठेवी आहेत. ईपीएफओ आपला निधी निफ्टी फिफ्टी एक्सचेंजशी जोडलेल्या ETF मध्ये गुंतवते. दर महिन्याला तुमच्या पगारातून कापून घेतलेल्या आणि तुमच्या पीएफ खात्यात जमा केलेल्या रकमेचा मोठा भाग तुमच्या माहितीशिवाय किंवा मंजूरीशिवाय अदानी एंटरप्रायझेस आणि अदानी पोर्ट्स सारख्या कंपन्यांमध्ये गुंतवला जात आहे.
Adani Stocks Update: हिंडेनबर्ग अहवालाचे पडसाद, अदानींचे शेअर्स सपाटून आपटले; अशी आहे सद्यस्थिती
गुंतवणूकदारांना चांगला परतावा देण्यासाठी ईपीएफओ नीफ्टी५० आणि सेन्सेक्स इंडेक्समध्ये गुंतवणूक करते. ईपीएफओ ग्राहकांच्या परवानगीशिवाय किंवा पर्यायी गुंतवणुकीच्या मार्गांशिवाय निफ्टी पन्नास शेअर्समध्ये समाविष्ट असलेल्या अदानी पोर्ट्स आणि अदानी एंटरप्रायझेसमध्ये गुंतवणूक करत आहे.
२०१४ ला अदानी ६०९ क्रमांकावर होते, मग जादू झाली, दुसऱ्या क्रमांकावर कसे पोहोचले? : राहुल गांधी
तज्ञ आता ईपीएफओद्वारे व्यवस्थापित केलेल्या निधीमध्ये अधिक पारदर्शकता आणि जबाबदारीबद्दल बोलत आहेत. ईपीएफओने सामाजिक जबाबदारीने गुंतवणूक करावी, असे त्यांचे मत आहे. अनेक तज्ञांनी असे सुचवले आहे की दीर्घकाळात चांगला परतावा मिळविण्यासाठी ईपीएफओला त्याच्या गुंतवणूक पोर्टफोलिओमध्ये विविधता आणणे आवश्यक आहे.
