हिंडेनबर्गचा वार फुस्स… अदानी समूहाचा छुपा रुस्तम शेअर, गुंतवणूकदारांनी लाखो कमावले!रिलायन्स कॅपिटलच्या शेअरचा भाव
अनिल अंबानींच्या रिलायन्स कॅपिटलच्या शेअरबद्दल बोलायचे तर आजही स्टॉक ५% पेक्षा जास्त पडझडीसह ८.४५ रुपयांवर व्यवहार करत आहे. तसेच गेल्या पाच दिवसांत समभागात ७.६५ टक्क्यांची घसरण झाली असून जोपर्यंत कंपनीची लिलाव प्रक्रिया पूर्ण होत नाही तोपर्यंत तिच्या शेअर्समध्ये फारशी वाढ अपेक्षित नाही, असे तज्ज्ञांचे मत आहे.
शेअर बाजारात TATAच्या शेअर्सचा बोलबाला, गुंतवणुकदारांना करून दिली तडाखेबंद कमाई
रिलायन्स कॅपिटल स्टॉकने १ मार्च २०२३ रोजी ७.८५ रुपये प्रति शेअरचा ५२ आठवड्याचा नीचांक नोंदवला होता. तर ११ एप्रिल २०२२ रोजी स्टॉक २३.३० रुपयांच्या ५२ आठवड्यांच्या उच्चांकावर पोहोचला होता. जानेवारी २००८ मध्ये रिलायन्स कॅपिटलच्या शेअरची किंमती २,७७० रुपये होती. यानंतर, स्टॉकमध्ये घसरणीची प्रक्रिया सुरूच राहिली आणि अजूनही त्याला लगाम लागलेला नाही. दरम्यान, कंपनीवर ४०००० कोटी रुपयांचे कर्ज असून ते न भरल्यामुळे रिलायन्स कॅपिटल आता दिवाळखोरीच्या प्रक्रियेतून जात असून कंपनीच्या लिलावाची प्रक्रियाही सुरू झाली आहे.
प्रक्रियेला मुदतवाढ
रिलायन्स कॅपिटलवर मालकी हक्क मिळवण्यासाठी टोरेंट इन्व्हेस्टमेंट्स आणि हिंदुजा ग्रुप या प्रक्रियेत आघाडीचे खरेदीदार होण्याच्या शर्यतीत आहेत. मात्र, लिलावाच्या मुदतवाढीला विरोध करत टोरंट इन्व्हेस्टमेंट्सने भारतीय रिझर्व्ह बँकेचे (आरबीआय) डेप्युटी गव्हर्नर एम. राजेश्वर राव यांना लिहिलेल्या पत्रात रिलायन्स कॅपिटलचे प्रशासक नागेश्वर राव वाय यांना निर्देश देण्याची मागणी केली. पत्रात म्हटले आहे की आव्हान प्रक्रिया २१ डिसेंबर २०२२ रोजी संपली, प्रशासकाकडून टोरेंट इन्व्हेस्टमेंटला आलेल्या ईमेलने NPV बोलीची रक्कम ८,६४० कोटी रुपयांची सर्वोच्च बोली रक्कम म्हणून पुष्टी केली.
