भाजपचं आठ नऊ वर्षातील प्रत्येक पाऊल ओबीसीविरोधी,त्यांच्याकडून ओबीसी प्रेमाची नौटंकी सुरु, हरी नरकेंचा आरोप
दरम्यान, ‘आदित्य ठाकरे यांनी म्हटलं की हे दोन वेगवेगळे पक्ष आहेत, वेगवेगळ्या भूमिका आहेत. याचा अर्थ तुम्ही मारल्यासारखं करा, मी रडल्यासारखं करतो, असं तुम्ही ठरवून करताय,’ असंही एकनाथ शिंदे यांनी म्हटलं आहे.
‘सावरकर होण्याची तुमची लायकीही नाही’
एकनाथ शिंदे यांनी काँग्रेस नेते राहुल गांधी यांच्यावर आक्रमक शब्दांत टीका केली आहे. ‘राहुल गांधी यांच्या वक्तव्याचा मी धिक्कार करतो. स्वातंत्र्यवीर सावरकर यांनी देशाला स्वातंत्र्य मिळवून दिलं. या स्वातंत्र्याचा उपभोग आपण सर्वजण घेत आहोत. मात्र देशभक्तांनी आणि स्वातंत्र्यसैनिकांनी जो त्याग केला त्याचा अवमान करण्याचा प्रयत्न जाणीवपूर्वक केला जात आहे. या कृत्याचा निषेध राज्यासह संपूर्ण देश करत आहेत. स्वातंत्र्यवीर सावरकर हे अंदमानच्या ज्या तुरुंगात राहिले, तिथे राहुल गांधी यांनी एक दिवस राहून दाखवावं. राहुल गांधी हे वारंवार सांगतात की मी सावरकर नाही तर गांधी आहे. मात्र सावरकर होण्याची तुमची लायकीही नाही. सावरकर होण्यासाठी त्याग करावा लागतो, देशाविषयी तुमच्या मनात प्रेम असावं लागतं. तुम्ही परदेशात जाऊन देशाची निंदा करता. तुम्ही लोकशाहीबद्दल बोलता, आपल्या पंतप्रधानांबद्दल बोलता. देशात बोलता ते ठीक आहे, मात्र परदेशात जाऊन तुम्ही जे बोलता त्याचा आम्ही निषेध करतो,’ असं एकनाथ शिंदे म्हणाले.
दरम्यान, एकनाथ शिंदे यांनी आपल्या सोशल मीडिया अकाऊंट्सवरही प्रोफाईल फोटो म्हणून सावकरांचा फोटो लावला असून त्यावर आम्ही सारे सावरकर असं लिहिलं आहे.
