road accident, मित्रासोबत कामावर जाण्यास निघाला, २ किमी अंतर कापलं; तरुणासोबत अनर्थ घडला, कुटुंबावर शोककळा – man dies in accident after good carrying vehicle collides with his bike in jalgaon
Authored by किशोर पाटील | Edited by कुणाल गवाणकर | महाराष्ट्र टाइम्स.कॉम | Updated: 28 Mar 2023, 5:12 pm
मित्रासोबत कामावर जाण्यासाठी निघालेल्या तरुणाचा अपघातात मृत्यू झाला आहे. घरातून निघाल्यानंतर २ किलोमीटर अंतरावर अपघात झाला. अपघातात तरुणाचा मृत्यू जखमी झाला.
जळगाव: जळगाव-ममुराबाद रस्त्यावरील मनुदेवी मंदिराजवळ छोट्या मालवाहू वाहनाच्या धडकेत दुचाकीस्वाराचा जागीच मृत्यू झाल्याची घटना मंगळवारी सकाळी आठच्या सुमारास घडली आहे. सुरेश गणपत कुंभार-हिवरकर (वय-४०, रा. चौघुले प्लॉट, जळगाव) असे मयत व्यक्तीचे नाव आहे. सुरेश कामावर जात असताना त्यांच्या दुचाकीला अपघात झाला. याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे. सुरेश कुंभार जळगाव शहरातील चौघुले प्लॉट येथे कुटुंबासह वास्तव्यास होते. त्यांचा ममुराबादला विटभट्टीचा व्यवसाय आहे. त्याठिकाणी जाण्यासाठी मंगळवारी सकाळी पावणे आठ वाजेच्या सुमारास सुरेश कुंभार त्यांचा मित्र दिलीप कुंभार यांच्यासोबत दुचाकीने (एम.एच. ४१ एच. ९९८१) निघाले होते. घरापासून अवघे २ किमी अंतर पार केले असतानाच, रस्त्यावरील मनुदेवी मंदिराजवळ चोपड्याकडून जळगावकडे बैलजोडी घेऊन येणाऱ्या एम.एच. १९ सी. वाय. ८१७३ या क्रमाकांच्या मालवाहतूक करणाऱ्या छोट्या वाहनाने सुरेश कुंभार यांच्या दुचाकीला धडक दिली. त्यात दुचाकीस्वार सुरेश कुंभार जागीच ठार झाले. तर सोबत असलेले दिलीप कुंभार जखमी झाले. या घटनेची माहिती मिळाल्यानंतर ममुराबाद ग्रामस्थांनी घटनास्थळी धाव घेत जखमीला उपचारासाठी रवाना केले. याप्रकरणी जळगाव तालुका पोलीस ठाण्यात अकस्मात मृत्यूची नोंद करण्यात आली आहे. या घटनेची माहिती मिळाल्यानंतर जिल्हा रुग्णालयात नातेवाईकांची गर्दी झाली होती. अग्निवीर होण्यासाठी निघालेल्या तरुणावर पोलिसांनी ३ गोळ्या झाडल्या; कुटुंब म्हणतं, हा तर… तीन बहिणींचा एकुलत्या एक भावाच्या अपघाती मृत्यूने हळहळ सुरेश कुंभार यांच्या पश्चात वडील, पत्नी मनिषा, एक मुलगी कोमल आणि निलेश, योगेश अशी दोन मुले असा परिवार आहे. वीटभट्टी व्यवसायात कुंभार यांना वडील गणपत कुंभार हे देखील त्यांना व्यवसायात मदत करत होते. सुरेश कुंभार यांना तीन बहिणी आहेत. तिघा बहिणींचा एकुलता एक भावाच्या अपघातात झालेल्या मृत्यूच्या घटनेने हळहळ व्यक्त केली जात होती.
महत्वाचे लेख
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
