अयोध्येत आवाज शिवसेनेचा; शरयू तीरावर दीपोत्सव करणार!

मुंबई: करोनाच्या संकटामुळे अयोध्येतील सोहळ्याचं निमंत्रण देण्यात आलं नसलं तरी या सोहळ्यासाठी मोठ्या प्रमाणावर अयोध्येत दाखल झाले आहेत. शिवसैनिकांनी अयोध्येत प्रमुख बाळासाहेब ठाकरे यांच्या स्मृती स्थळाची माती नेली आहे. तसेच भूमिपूजनाच्या दिवशी शरयू तीरावर दिवे पेटवून शिवसैनिक दीपोत्सव साजरा करणार आहेत.

उद्या ५ ऑगस्ट रोजी अयोध्येत राम मंदिराचं भूमिपूजन होणार आहे. या पार्श्वभूमीवर मुंबईतून शिवसैनिकांचा एक जत्था अयोध्येत गेला आहे. यांच्या स्मृतीस्थळावरील माती घेऊन शिवसैनिक अयोध्येला रवाना झाले आहेत.शिवसेनाप्रमुख बाळासाहेब ठाकरे स्मृतिस्थळाची माती घेऊन मीरा भाईंदरचे नगरसेवक विक्रम प्रताप सिंग शिवसैनिकांसह अयोध्येत दाखल झाले आहेत. शरयू तीरावर लक्ष्मण किल्ला येथे सायंकाळी ५ वाजता ही माती ठेऊन, त्यासमोर ४९२ दिवे लावण्यात येणार आहेत. राममंदिराचं भूमिपूजन होत असल्यानं बाळासाहेब ठाकरेंचं स्वप्न साकार झालं आहे. त्यानिमित्तानं शरयू तीरावर दीपोत्सव करण्यात येणार आहे. शिवसेना पक्ष प्रमुख आणि मुख्यमंत्री उद्धव ठाकरे हे देखील अयोध्येला तीन वेळेस येऊन गेले आहेत. त्यामुळे राममंदिर निर्माणात शिवसेनेनचं योगदान खूप मोठं आहे. त्यासाठी शिवसेना आपल्या पद्धतीनं मंदिराच्या भूमिपूजनाचा आनंद व्यक्त करणार आहे, असं या शिवसैनिकांनी सांगितलं.

दरम्यान, पंतप्रधान नरेंद्र मोदी यांच्या हस्ते उद्या मंदिराचं भूमिपूजन करण्यात येणार आहे. सुमारे तीन तास हा कार्यक्रम चालणार असून मोदी संपूर्ण कार्यक्रम संपेपर्यंत या सोहळ्याला उपस्थित राहणार आहेत. त्याआधी पूर्वी पंतप्रधान अयोध्येतील हनुमानगढी मंदिरात पूजा करतील असे हनुमानगढीच्या पुजाऱ्याने माहिती दिली आहे. हनुमानाच्या आशीर्वादाशिवाय रामाचे कोणतेही काम सुरू करता येत नाहीत, अशी मान्यता आहे. म्हणूनच पंतप्रधान मोदी प्रथम हनुमानाची पूजा करतील आणि त्यानंतर ते भूमिपूजनाच्या कार्यक्रमाला रवाना होतील.

वाचा:

उद्याच्या राम जन्मभूमीवरील मंदिराच्या भूमिपूजनाच्या कार्यक्रमासाठी एकूण १७५ लोकांना आमंत्रित करण्यात आल्याची माहिती सोमवारी मंदिराची जबाबदारी सांभळणाऱ्या जन्मभूमी तीर्थ ट्रस्टने दिली. या लोकांमध्ये विविध अत्यात्मिक परंपरा मानणारे १३५ साधू आहेत. तर, मंचावर पंतप्रधान नरेंद्र मोदी यांच्या व्यतिरिक्त केवळ ५ लोकच असणार आहेत.

वाचा: