Girish Bapat Death: भाजप खासदार गिरीश बापट यांचं पुण्यात निधनकर्नाटकात एकूण ५ कोटी २१ लाख ७३ हजार ५७९ मतदार आहेत. यातील नवमतदारांची संख्या ९ लाख १७ हजारांच्या घरात आहे. ८० पेक्षा अधिक वय असलेल्यांना या निवडणुकीत घरातून मतदान करण्यात येईल. १ एप्रिलला वयाची १८ वर्षे पूर्ण केलेल्यांनादेखील निवडणुकीत मतदान करता येईल. या निवडणुकीत २२४ मतदान केंद्रांवर तरुण कर्मचारी असतील. १०० केंद्रांवर दिव्यांग कर्मचारी तैनात असतील.
कर्नाटकात विधानसभेचे एकूण २२४ मतदारसंघ आहेत. मागील निवडणुकीत भाजपनं १०४, काँग्रेसनं ८०, तर जेडीएसनं ३७ जागा जिंकल्या. भाजपला सत्तेपासून दूर राखण्यासाठी काँग्रेस आणि जेडीएसनं निवडणूकोत्तर आघाडी केली. काँग्रेसनं जेडीएसला मुख्यमंत्रिपद दिलं. मात्र हे सरकार फार काळ टिकू शकलं नाही. काँग्रेस, जेडीएसच्या काही आमदारांनी राजीनामे दिले. त्यांनी भाजपच्या तिकिटावर निवडणूक लढवली. सध्या विधानसभेत भाजपचे ११७, काँग्रेसचे ६९, तर जेडीएसचे ३२ आमदार आहेत.
