आधीच महागाई, त्यात दरवाढीची भीती! आरबीआय रेपो दरवाढीवर SBI चा अहवाल, दिलासा की धक्का?कर्ज महागणार!
आरबीआयकडून रेपो दरात वाढ झाल्यास सर्व प्रकारची कर्जे महाग होतात. मे २०२३ पासून आरबीआयने रेपो दरात २.५० टक्क्यांनी वाढ केली आहे. रेपो दरात वाढ झाल्यामुळे गृहकर्ज घेणार्‍यांना अनेक अडचणींचा सामना करावा लागत आहे.
महागाई नियंत्रणात ठेवण्याचे आरबीआयचे उद्दिष्ट
महागाई नियंत्रित करण्यासाठी आरबीआय रेपो दर वाढवत असते. महागाई अजूनही 6 टक्क्यांच्या वर आहे. अॅक्सिस बँकेचे मुख्य अर्थतज्ज्ञ सौगता भट्टाचार्य यांनी सांगितले की, आरबीआय या वेळीही रेपो दरात वाढ करण्याची शक्यता आहे. यावेळी ०.२५ बेसिस पॉइंट्सची वाढ केली जाऊ शकते.
नव्या आर्थिक वर्षात RBI चलनविषयक समितीची बैठक कधी? जाणून घ्या संपूर्ण वेळापत्रक
आरबीआय चलनविषयक समितीची बैठक
भारतीय रिझर्व्ह बँकेने (RBI) पुढील आर्थिक वर्ष २०२३-२४ साठी चलनविषयक धोरण समितीच्या (एमपीसी) बैठकांचे वेळापत्रक जारी केले असून आरबीआयच्या MPC च्या पुढील आर्थिक वर्षात द्वि-मासिक चलनविषयक धोरण आढाव्यासाठी ६ बैठका होणार आहेत. पुढील आर्थिक वर्षाची पहिली बैठक ३ ते ६ एप्रिल दरम्यान होणार असून MPC प्रचलित देशांतर्गत आणि आर्थिक परिस्थितीवर चर्चा केल्यानंतर आरबीआय गव्हर्नर द्वि-मासिक चलनविषयक धोरण जाहीर करतात.
