पोलिसांनी दिलेल्या माहितीनुसार, फिर्यादी हे व्यावसायिक आहेत. त्यांचा फूड प्रोसेसिंगचा व्यवसाय आहे. ते ३ ऑगस्ट २०२२ रोजी त्यांचा मित्र व त्याची मैत्रिण यांच्याबरोबर सिजन मॉल येथील प्लॉयहाय रेस्टारंटमध्ये गेले होते. त्यावेळी त्यांच्या टेबलवर एक अनोळखी तरुणी आली. तिने लायटर मागण्याच्या बहाण्याने तक्रारदारांशी बोलणे करून ओळख निर्माण करून घेतली.
तिने आपले नाव निधी दीक्षित असे सांगितले. ती मुंबईहून पुण्यात आले असून व्यवसाय करण्यासाठी तुमची मदत लागेल, असे सांगून त्यांचा मोबाईल नंबर घेतला. त्यानंतर तिने व्हॉटसअ‍ॅप कॉलवर फिर्यादी यांच्याशी बोलणे सुरु केले. 7 नोव्हेंबर रोजी तिने बिझनेसबाबत बोलायचे आहे, असे म्हणून तिच्या वाघोलीतील फ्लॅटवर नेले.
तेथे ती बेडरुममध्ये गेली व पारदर्शक नाईट ड्रेस घालून बाहेर आली. फिर्यादी यांच्या शेजारी बसून तिने 4-5 क्लोज सेल्फी काढले. त्यानंतर ती पुन्हा बेडरुममध्ये जाऊन ड्रेस बदलून बाहेर आली व तक्रारदार यांना तू येथे कशाला आलास, येथे काय काम आहे तुझे, येथून चालता हो असे म्हणाली. त्यामुळे व्यवसायिक तिथून निघून गेले.
मुलांच्या ट्यूशन टिचरशी प्रेमसंबंध, पण लग्नाचं वचन मोडलं; पुण्यात तरुणीने जीवन संपवलं
त्यानंतर १५ नोव्हेंबर रोजी तरुणीच्या फोनवरुन तिचा वकील विक्रम भाटे याने फोन केला. तिने तुमच्यावर अशी तक्रार केली आहे की त्यामध्ये तुम्हाला बेल मिळणार नाही. हे प्रकरण मिटवायचे असेल तर मला सांगा मी तुम्हाला मदत करतो. तुमची केस मिटून टाकतो, असे सांगून त्यांच्याकडे 8 लाखांची मागणी केली.
त्यांनी दागिने गहाण ठेवून पैसे दिले. त्यानंतर विक्रम भाटी याने वेळोवेळी त्यांना धमकावून अगदी सर्वोच्च न्यायालयातही जामीन मिळणार नाही असे सांगून त्यांना लुबाडत राहिला. आपली फसवणूक होत असल्याचे लक्षात आल्यावर फिर्यादीने पोलिसांकडे धाव घेतली. पोलिसांनी विक्रम भाटे याला अटक केली असून पोलीस उपनिरीक्षक सोनटक्के तपास करीत आहेत.
निर्जनस्थळी प्रियकराशी शरीरसंबंध, अतिरक्तस्रावाने प्रेयसीचा मृत्यू; १८ वर्षीय तरुण अटकेत
