Authored by आदित्य भवार | Edited by कुणाल गवाणकर | महाराष्ट्र टाइम्स.कॉम | Updated: 31 Mar 2023, 5:40 pm
पुण्यातील एका वृद्धाची तब्बल ४ लाख ६६ हजारांना फसवणूक करण्यात आली आहे. अज्ञात तरुणीनं व्हिडीओ कॉल करून वृद्धाला कपडे काढण्यास भाग पाडलं. त्यानंतर व्हिडीओ रेकॉर्ड करत वृद्धाकडून पैसे उकळले.
लग्नानंतर ३ महिन्यांनी माहेरी गेलेल्या तरुणीनं आयुष्य संपवलं; विरहात पतीचं टोकाचं पाऊलकॉल करणाऱ्या तरुणीनं ज्येष्ठ नागरिकाला कपडे काढून नग्न होण्यास भाग पाडले. यावेळी तक्रारदाराचा आक्षेपार्ह व्हिडिओ कॉल स्क्रीन रेकॉर्डिंग केला. त्यानंतर त्यांना हा व्हिडिओ सोशल मीडियावर व्हायरल करण्याची धमकी देऊन त्यांच्याकडे पैसे मागण्यास सुरुवात करण्यात आली. पैसे न दिल्यास तुमची बदनामी करू, तुमचे आक्षेपार्ह व्हिडिओ प्रसारित करू असे सांगत दबाव टाकला. त्यामुळे घाबरून जेष्ठ नागरिकानं तरुणीच्या बँक खात्यावर पैसे जमा केले.
सेक्सटॉर्शन म्हणजे नेमकं काय? सेक्सटॉर्शनला बळी पडला असाल तर काय कराल?
दुसर्‍या आरोपीनं ज्येष्ठाला फोन करून आपण पोलीस असल्याची बतावणी केली. तुमचा आक्षेपार्ह व्हिडिओ युट्युबवरुन डिलीट करण्याचे चार्जेस म्हणून त्यांच्याकडून चार लाख ६६ हजार रुपये घेतले. आपली फसवणूक झाल्याचं ज्येष्ठ नागरिकाच्या लक्षात आलं. त्यांनी याबाबत पोलिसांकडे तक्रार दाखल केली. याबाबत पोलीस निरीक्षक अंकुश चिंतामण पुढील तपास करत आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
