१ एप्रिलपासून पेन्शनशी संबंधित नियम बदलणार, केंद्रीय कर्मचाऱ्यांनाही फटका बसणार; वाचा सविस्तरलहान बचत योजनांवर भरघोस व्याज
अर्थमंत्री निर्मला सीतारामन यांनी शुक्रवारी एक परिपत्रक जारी करून याबाबत घोषणा केली आहे. यानुसार ज्येष्ठ नागरिक बचत योजना, मासिक उत्पन्न बचत योजना, राष्ट्रीय बचत प्रमाणपत्र, किसान विकास पत्र, सर्व पोस्ट ऑफिस टाइम डिपॉझिट्स आणि सुकन्या समृद्धी खाते योजनेवरील व्याजदरात वाढ झाली आहे.
ज्येष्ठ नागरिक बचत योजनांचा व्याजदर ८% वरून ८.२ टक्के झाला तर किसान विकास पत्राचा व्याजदर ७.२% वरून ७.५ टक्के झाला आहे. यासोबतच सरकारने एक, दोन, तीन आणि पाच वर्षांच्या ठेवींच्या व्याजदरातही वाढ केली. मासिक उत्पन्न खाते योजनांवरील व्याजदर ७.१% वरून ७.४ टक्केपर्यंत वाढवण्यात आला आहे.
कर बचत करत आहात? मग घाई-घाईत ‘या’ चुका मुळीच करू नका, अन्यथा तुमच्या कष्टाची कमाई जाईल पाण्यात
सुकन्या समृद्धीवर ८% व्याज
राष्ट्रीय बचत प्रमाणपत्राचा व्याजदर ७ टक्क्यांवरून ७.७ टक्के, तर सुकन्या समृद्धी योजनेच्या गुंतवणूकदारांना आता ७.६% ऐवजी ८ टक्के व्याज दराचा फायदा मिळेल.
पीपीएफवर व्याज दरवाढ नाही
सरकारने सार्वजनिक भविष्य निर्वाह निधीच्या (पीपीएफ) व्याजदरात कोणतीही वाढ केलेली नाही. म्हणजे PPF वर पूर्वीप्रमाणेच ७.१ टक्के व्याज मिळत राहील.महागड्या EMI ने उडवली झोप?, ३० लाखांच्या कर्जावर ४ लाखांची होईल बचत, पाहा कसं
दरम्यान, सरकारच्या लहान बचत योजनांवरील व्याजदरांचे सरकार दर तिमाहीत पुनरावलोकन करते. श्यामला गोपीनाथ समितीने अल्पबचत योजनांचे व्याजदर मोजण्याचे सूत्र दिले होते. समितीने शिफारस केली की विविध योजनांचे व्याजदर समान मुदतीच्या सरकारी रोख्यांवर मिळणाऱ्या उत्पन्नापेक्षा २५ ते १०० बीपीएस जास्त असावा.
