सरकारने शुक्रवारी सुमारे १६०,००० ज्वेलर्सना जून २०२३ पर्यंत ‘घोषित’ सोन्याचे जुने हॉलमार्क असलेले दागिने विकण्याची परवानगी दिली आहे. म्हणजे ते जुने ४ अंकी हॉलमार्क असलेले दागिने पुढील तीन महिने विकू शकतात. लक्षात घ्या की आज म्हणजेच १ एप्रिलपासून सरकारने हॉलमार्क नसलेल्या दागिन्यांच्या खरेदी-विक्रीवर बंदी घातली होती. मात्र, सरकारच्या या घोषणेच्या अवघ्या एक दिवस आधी ज्वेलर्स आणि सोनारांना मोठा दिलासा मिळाला आहे.
महत्त्वाची बातमी! आता नवीन नियमानुसार होणार सोन्याची खरेदी-विक्री, जाणून घ्या काय बदललं
गोल्ड हॉलमार्किंगवर नवीन सूट
सरकारच्या नव्या निर्णयाने १६ हजार ज्वेलर्सना दिलासा मिळाला असेल. सरकारने जारी केलेल्या अधिसूचनेनुसार, सरकारने २०२० मध्ये सोन्याच्या दागिन्यांच्या हॉलमार्किंग ऑर्डरमध्ये सुधारणा केली असून या अंतर्गत ज्या ज्वेलर्सनी त्यांच्या जुन्या हॉलमार्क केलेल्या दागिन्यांच्या स्टॉकची माहिती दिली होती त्यांना ते विकण्यासाठी ३० जून २०२३ पर्यंत मुदतवाढ देण्यात आली आहे. म्हणजे आता अशा ज्वेलर्सना पुढील तीन महिन्यांत त्यांच्या जुन्या दागिन्यांचा स्टॉक विकणे भाग आहे.
सरकारच्या माहितीनुसार देशभरात १.५६ लाख नोंदणीकृत ज्वेलर्स आहेत, ज्यापैकी १६ हजार २४३ जणांनी त्यांच्या जुन्या हॉलमार्क केलेल्या दागिन्यांचा स्टॉक उघड केला. परंतु, फक्त १६ हजार ज्वेलर्सना विक्रीसाठी तीन महिन्यांचा अतिरिक्त वेळ देण्यात आला आहे.
गोल्ड हॉलमार्किंग काय आहे? सोने खरेदी करताना का तपासावे, घरातील सोन्यावर याचा काय परिणाम
सूट पण सरसकट नाही…
सर्व प्रथम जुलै २०२१ पूर्वी बनवलेल्या दागिन्यांवर सूट लागू होईल. याशिवाय ज्या ज्वेलर्सनी ४ अंकी हॉलमार्क असलेल्या स्टॉकचा खुलासा दिला आहे त्यांनाच ही मुदतवाढ मिळणार आहे. त्यामुळे अशा ज्वेलर्सची संख्या १६,२४३ असून हे अनिवार्य ६ अंकी HUID हॉलमार्किंगमधून तीन महिन्यांची सूट देईल. इतर सर्वांसाठी १ एप्रिलपासून सहा अंकी HUID हॉलमार्किंग अनिवार्य झाला आहे.
शुद्ध सोन्यासाठी सरकारची कसरत
भारतीय मानक ब्युरोने (BIS) १ एप्रिल २०२३ पासून हॉलमार्क केलेल्या सोन्याच्या दागिन्यांसाठी सहा अंकी ‘अल्फान्यूमेरिक’ HUID अनिवार्य केले असून आजपासून फक्त सहा अंकी अल्फान्यूमेरिक हॉलमार्किंग विक्रीसाठी वैध असेल आणि त्याशिवाय सोने आणि दागिन्यांची विक्री होऊ शकणार नाही. आजपासून काहींना वगळता चार अंकी हॉलमार्किंग दागिन्यांची विक्री पूर्णपणे बंद झाली आहे. गोल्ड हॉलमार्किंग अनिवार्य करण्यासाठी सरकारने दीड वर्षापूर्वी कवायत सुरू केली होती.
