हिंडेनबर्गने आपल्या अहवालात अदानी समूहावर स्टॉकच्या किंमतीत फेरफार आणि मनी लाँड्रिंगसारखे गंभीर आरोप केले, जे समूहाने स्पष्ट फेटाळले.
झरझर चढले अन् धाडकन आदळले! न्यायालयाकडून गौतम अदानींना दिलासा पण गुंतवणूकदार धास्तावले
अदानी शेअर्समधील पडझड
२०२२-२३ या आर्थिक वर्षात अदानी समूहाच्या शेअर्समध्ये जवळपास ४०% घसरण नोंदवली गेली असून हिंडेनबर्गच्या अहवालाने जोरदार धक्का दिला. सध्याच्या आकडेवारीनुसार २९ मार्च २०२३ पर्यंत अदानी एंटरप्रायझेस, अदानी ग्रीन एनर्जी, अदानी पोर्ट्स आणि स्पेशल इकॉनॉमिक झोन (अदानी पोर्ट्स), अदानी पॉवर, अदानी टोटल गॅस आणि अदानी ट्रान्समिशनचे एकत्रित एम-कॅप मार्चपर्यंत ७,५५,६७० कोटी रुपये होते. तर ३१ मार्च २०२२ पर्यंत १२,५३,०६८ कोटी रुपयांच्या तुलनेत ४० टक्क्यांहून कमी आहे.
Adani Shares: अदानी समूहाच्या शेअर्सवर मोठं अपडेट, तुम्हीही गुंतवणूक केली असेल तर फटाफट वाचा
दोन वर्षांत झरझर वाढले शेअर्स
आकडेवारीनुसार वरील सहा कंपन्यांचे एम-कॅप आर्थिक वर्ष २२ मध्ये ८८% आणि गेल्या आर्थिक वर्षात ४०९% वाढले होते. ३१ मार्च २०२० ते ३१ मार्च २०२२ पर्यंत अदानींच्या या सहा शेअर्समध्ये तब्बल ८५५ टक्क्यांची वाढ झाली होती. तसेच अदानी समूहाने नुकतंच अधिग्रहित केलेले ACC, अंबुजा सिमेंट्स आणि NDTV यांना यादीबाहेर ठेवण्यात आले. तर अदानी विल्मरलाही या गणनेतून बाहेर ठेवण्यात आले कारण त्याची सूची ८ फेब्रुवारी २०२२ रोजी झाली.
आता थांबायचं नाही! अदानींनी डाव उलटवला, एकाच दिवसात संपत्तीत १,२०,९०,३८,२५,००० कोटींची भर
अदानी शेअर्सच्या घोडदौडला ब्रेक
सप्टेंबर २०२२ पासून अदानी समूहाच्या एम-कॅपमध्ये पडझड सुरू झाली. या काळात प्रचंड कर्जाच्या जाळ्यात अडकलेले गौतम अदानी १५० अब्ज डॉलरच्या संपत्तीसह जगातील अब्जाधीशांच्या यादीत दुसऱ्या क्रमांकावर झेपावले होते. पण हिंडेनबर्गच्या अहवालाने अदानी समूहातील कंपन्यांच्या शेअर्सला चांगले हादरले दिले. मात्र, मार्च महिन्याच्या सुरुवातीपासून शेअर्समध्ये रिकव्हरी होताना दिसत आहे. मात्र, हिंडेनबर्गचा अहवाल आणि अन्य घडामोडींमुळे आर्थिक वर्ष २०२३ मध्ये अदानी समूहाच्या शेअर्सच्या घोडदौडला लागम लागला आहे.
अदानींनी भाजपला किती पैसे दिले? प्रश्नांचा भडीमार करत राहुल गांधी लोकसभेत मोदींवर बरसले
अदानी टोटल गॅसने सर्वाधिक भोगलं
आर्थिक वर्ष २०२३ मध्ये सहा शेअर्सपैकी अदानी टोटल गॅसने सर्वात खराब कामगिरी केली. मागील आर्थिक वर्षात (२९ मार्चपर्यंत) अदानी टोटल गॅस ५८.८३ टक्के गडगडला आणि कंपनीचे बाजार भांडवल एका वर्षापूर्वीच्या २,३६,३२२ कोटी रुपयांवरून ९५,८४२.९५ कोटी रुपयांवर घसरले. याशिवाय अदानी ट्रान्समिशन ५८.२२% घसरून दुसऱ्या क्रमांकावर, अदानी ग्रीन एनर्जी ५२.७३% आणि अदानी एंटरप्रायझेस २० टक्के कोसळला. तर अदानी पोर्ट्सची चाल सपाट राहिली.
