प्रफुल्ल हेलोडे यांच्याकडे त्यावेळी स्वत:ची शेती नव्हती. त्यामुळे सुरुवातीला त्यांनी १७ एकर शेती करार तत्वावर घेतली व या सर्व शेतीत ठिबक सिंचन यंत्रणा बसविली. शेतीत त्यांनी नाविन्यपूर्ण पीके घेतली. दोन एकरात ॲशगार्डच्या (पेठा) लागवडीचा प्रथम प्रयोग केला. त्यात एकरी 25 टन उत्पादन मिळाले. या पिकाचे उत्तम उत्पादन त्यांनी सातत्याने घेतले. नागपुरातील नामांकित खाद्यपदार्थ उद्योगाने त्यांच्याकडून नियमित या उत्पादनाची नियमित खरेदी केली. त्यामुळे हेलोडे यांना चांगले उत्पन्न मिळू लागले.
प्रफुल्ल हेलोडे यांनी जैविक शेतीचाही प्रयोग त्यांनी केला. तळणी येथे शेती विकत घेऊन त्यांनी सर्व शेतावर मल्चिंग केले. बांबूच्या शेडवर काकडीचे तीन महिन्याचे पीक घेऊन उत्पादनात हेलोडे यांनी सातत्य ठेवले. मल्चिंग पेपरचा वापर संपूर्ण शेतावर आच्छादित ठेवण्यासाठी ट्रॅक्टरचलित मशीन देखील त्यांनी तयार केली.
कितीही प्रयत्न करा, वर्षभरात विस्तारीकरण करणारच, महाडिकांचं बंटी पाटलांना चॅलेंज
भाजीपाल्याची रोपे स्वत: तयार करता यावी म्हणून प्रफुल्ल हेलोडे यांनी महाराष्ट्रात ठिकठिकाणी नर्सरीला भेटी दिल्या. अभ्यास करून स्वत: रोपे तयार केली. शेतात शेडनेट व पॉलिहाऊस उभारण्यासाठी ‘आत्मा’मार्फत तळेगाव दाभाडे येथे प्रशिक्षण घेतले.
शेतीमध्ये नवनव्या प्रयोगात यश मिळवणाऱ्या प्रफुल्ल हेलोडे यांनी कृषी विभागाच्या एमआयडीएच योजनेच्या माध्यमातून पॉलिहाऊस व शेडनेटची उभारणी केली. त्यात ते मिरची, काकडी, कोबी, टमाटे आदी भाजीपाला रोपे, टरबुज, खरबूज आदी रोपांची निर्मिती करत आहेत. त्यातून त्यांना चांगला नफा मिळू लागलाय.
पहिल्याच सामन्यात जिंकलंस …स्टार खेळाडू सोडून प्रीती झिंटा पाहा कोणावर झाली फिदा…
हेलोडे यांनी फुलांचेही उत्पादन त्यांनी घेतले. आपल्या नर्सरीतील रोपांची ते शेतकरी बांधवांना विक्रीही करतात. पॉलिहाऊस व शेडनेटनंतर त्यांनी द्वारका हायटेक नर्सरीची उभारणी देखील हेलोडे यांनी केली. त्यातून ५० लाखांवर रोपांची विक्री झाली. आता तर त्यांची वार्षिक उलाढाल दीड- दोन कोटी रूपयांपर्यंत पोहोचली आहे. ते शेतकरी बांधवांना विविध पिकांसंदर्भात मार्गदर्शनही करत असतात. त्यांच्या कार्याची दखल घेऊन कृषी विभागाने त्यांना उद्यान पंडीत म्हणून गौरविले आहे.
चिपळूणचा जवान अजय ढगळे सिक्कीममध्ये शहीद; भूस्खलनात बर्फाच्या ढिगाऱ्याखाली ४ जवान गाडले गेले
