SRH vs RR Match Prediction: IPL मध्ये आज भुवनेश्वर वि संजू सॅमसन भिडणार, घरच्या मैदानावर कोण बाजी मारणार ? – srh vs rr ipl2023 prediction playing 11 weather pitch report venue who will win today match sunrisers hyderabad vs rajasthan royals

हैदराबाद: राजस्थान रॉयल्स हा आयपीएलचं जेतेपद पटकावणारा पहिला चॅम्पियन संघआहे. २००८ मध्ये शेन वॉर्नच्या नेतृत्वाखाली या संघाने विजेतेपद पटकावले होते. त्यानंतर या संघाला पुन्हा विजेतेपद मिळवता आलेले नाही. गेल्या मोसमात संजू सॅमसनच्या नेतृत्वाखाली हा संघ अंतिम फेरीत पोहोचला होता. पण दुसरे विजेतेपद मिळवण्यात त्यांना अपयश आले. अंतिम फेरीत गुजरात टायटन्सकडून त्यांचा पराभव झाला होता. यावेळी राजस्थान दुसरं जेतेपद पटकावण्यास उत्सुक असेल. यासाठी त्यांना चांगली सुरुवात करावी लागेल. राजस्थानला आज सनरायझर्स हैदराबादविरुद्ध पहिला सामना खेळायचा आहे. हा सामना हैदराबादमध्ये होणार आहे. रविवारी डबल हेजरचा दिवस असून हा सामना दिवसाचा पहिला सामना असेल. हैदराबादलाही घरच्या मैदानावर विजयाने सुरुवात करायची आहे. हा संघ देखील यंदा नव्या ढंगात दिसणार आहे आणि या हंगामात अनेक नवीन खेळाडू घेऊन प्रवेश करत आहेत. पण त्याचसोबत या संघात अशी नावे आहेत जी दीर्घकाळ SRH च्या संघाशी जोडलेले आहे. राजस्थानचा सर्वोत्तम फलंदाज विरुद्ध हैदराबादचा सर्वोत्तम गोलंदाज अशी ही चुरशीची लढत पाहायला मिळणार आहे.
RCB vs MI: रोहित शर्मा आणि जोफ्रा आर्चर आरसीबीविरुद्ध खेळणार नाहीत? प्रशिक्षक बाउचर यांचे मोठे अपडेट
यावर्षी संघाने बरेच बदल केले आहेत आणि एडन मार्करामला आपला नवीन कर्णधार म्हणून नियुक्त केले आहे. एडन मार्करमच्या अनुपस्थितीत, अनुभवी वेगवान गोलंदाज भुवनेश्वर कुमार एसआरएच संघाचे नेतृत्व करताना दिसणार आहे, तर राजस्थान रॉयल्सने जेसन होल्डरचा त्यांच्या संघात समावेश केला आहे.

खेळपट्टीचा अहवाल

राजीव गांधी इंटरनॅशनल स्टेडियमच्या खेळपट्टीबद्दल बोलायचे झाले तर, हैदराबादची ही खेळपट्टी पूर्णपणे सपाट आहे जी गोलंदाजांना चांगली उसळी देते. खेळपट्टी सुरुवातीला वेगवान गोलंदाजांना चांगला स्विंग आणि बाउन्स देते आणि जसजसा सामना पुढे सरकतो तसतसे फिरकी गोलंदाज वर्चस्व गाजवू लागतात. मागील काही सामन्यांनुसार या खेळपट्टीवर पहिल्या डावातील सरासरी धावसंख्या १८० धावांची आहे.

हवामानाचा अहवाल

आकाश अंशतः ढगाळ राहील पण पावसाची शक्यता नाही. तापमान १९.६९ अंश सेल्सिअस राहण्याची शक्यता आहे.

राजस्थान आणि बंगळुरुच्या लढतीत शेवटला एंट्री, या तरुणीने एक बोली लावली आणि विषयच संपवला

दोन्ही संघांची संभाव्य प्लेइंग इलेव्हन (SRH vs RR Probable Playing )

राजस्थान रॉयल्स :
संजू सॅमसन (कर्णधार), यशस्वी जैस्वाल, जोस बटलर, शिमरॉन हेटमायर, जेसन होल्डर, आर अश्विन, संदीप शर्मा, ट्रेंट बोल्ट, नवदीप सैनी, युझवेंद्र चहल, कुलदीप सेन

सनरायझर्स हैदराबाद:
मयंक अग्रवाल, अभिषेक शर्मा, राहुल त्रिपाठी, हॅरी ब्रूक, ग्लेन फिलिप्स, अब्दुल समद, वॉशिंग्टन सुंदर, भुवनेश्वर कुमार (कर्णधार), अकील हुसैन, उमरान मलिक, फजलहक फारुकी