ओपिनियन पोल्समध्ये काँग्रेसला कर्नाटकमध्ये आघाडी मिळताना दिसत आहे. त्यामुळं नरेंद्र मोदींच्या २० सभांचं नियोजन कर्नाटक भाजपकडून करण्यात आलं आहे. ६ मे ते ८ मेच्या दरम्यान मोदींच्या सभा काँग्रेस आणि जेडीएसचा प्रभाव असलेल्या भागांमध्ये आयोजित करण्यात येणार आहेत.
सध्याच्या कर्नाटकमधील भाजप सरकार विरोधात लोकांमध्ये असलेला असंतोष आणि राज्य भाजपमधील गटा तटाचं राजकारण यामुळं फक्त नरेंद्र मोदी यांच्या सभांच्या आधारेच पुन्हा सत्ता मिळवता येईल, असं भाजपच्या रणनीतीकारांना वाटत आहे. यामुळं कर्नाटकच्या सहा प्रांतात नरेंद्र मोदींच्या प्रत्येकी तीन सभा आयोजित करण्यात येणार आहेत.
हैदराबाद कर्नाटकमधून ४० आमदार निवडून येतात, तिथं नरेंद्र मोदींच्या सभा आयोजित करण्यात येण्याची शक्यता आहे. काँग्रेस पक्षप्रमुख मल्लिकार्जून खर्गे यांचा हा भाग असून तिथं गेल्या विधानसभा निवडणुकीत भाजपला १५ जागा मिळाल्या होत्या.
भोंदूबाबाच्या आडून कसली ट्रायल घेता? साईबाबांविषयी भूमिका स्पष्ट करा, रोहित पवारांनी भाजपला सुनावलं
बसवराज बोम्मई यांच्या सरकारवर कर्नाटक काँग्रेसकडून कमिशनखोरीचे आरोप करण्यात आले आहेत. भाजपच्या एका आमदाराला नुकतीच अटक करण्यात आलेली आहे. त्यामुळं भ्रष्टाचाराचा मुद्दा भाजपसाठी अडचणीचा ठरलेला आहे. ही बाब लक्षात घेता निवडणुका जाहीर होण्यापूर्वीच नरेंद्र मोदींच्या कर्नाटकमध्ये चार सभा झाल्या होत्या. त्या सभांमध्ये नरेंद्र मोदी यांनी एका स्थानिक नेत्याच्या नावाला मुख्यमंत्री किंवा नेता म्हणून जाहीर केलं नसल्याचं भाजपच्या अंतर्गत सूत्रांनी सांगितलं आहे.
दोघेही गावचे कारभारी पण एका गोष्टीवरुन सतत संशय, घरात भांडणं, बायकोने नको ते पाऊल उचललं
कर्नाटक भाजपकडून केंद्रातील भाजप नेतृत्वाला प्रचारात ताकदीनं उतरताना विरोधकांवर टीका करताना राज्य भाजपमधील नेत्यांचा भ्रष्टाचार, राजकीय घराणेशाहीवर देखील भाष्य केलं जावं, अशा सूचना देण्यात आल्या आहेत. भाजपनं माजी मुख्यमंत्री बी.एस. येडियुरप्पा यांना देखील प्रचारासाठी सक्रीय केलं आहे.
आईला डॉक्टरकडे नेलं, घरी परतला तर बायकोने जीव दिलेला, कारण बागेश्वर बाबा…
