तिलक वर्मा याचा हा केवळ दुसरा आयपीएल सीझन आहे. २०२० अंडर-१९ विश्वचषक स्पर्धेचा अंतिम सामना खेळलेल्या भारतीय संघाचा भाग असलेल्या तिलकला IPL 2022 च्या मेगा लिलावात मुंबई इंडियन्सने १.७ कोटी रुपयांना विकत घेतले आहे. आपल्या पदार्पणातच तिलक याने मुंबई इंडियन्सचा हा निर्णय योग्य असल्याचे सिद्ध केले आहे.
आयपीएल २०२२ मध्ये त्याने १४ सामन्यात ३६ च्या सरासरीने ३९७ धावा केल्या होत्या. त्याने १६ षटकार आणि २९ चौकार मारले होते. यामुळेच मुंबई इंडियन्सने तिलकला आयपीएल २०२३ मध्येही कायम ठेवले. पहिल्याच सामन्यात तिलकने त्यांचा निर्णय योग्य सिद्ध केला. पण, तिलक वर्माचा इथपर्यंतचा प्रवास काही सोपा नव्हता.
VIDEO | उडता डुप्लेसिस पाहिलात का? हवेत उडी घेत जबरदस्त कॅच, बंगळुरुकडून मुंबईचा धुव्वा
तिलक वर्माचे वडील इलेक्ट्रिशियन
तिलक वर्माचे वडील व्यवसायाने इलेक्ट्रिशियन होते. त्यांच्या मुलाचे क्रिकेटर होण्याचे स्वप्न पूर्ण करु शकतील अशी त्यांची आर्थिक परिस्थिती नव्हती. इतकंच नाही तर त्याच्यासाठी क्रिकेट किटची व्यवस्था करण्यासाठी त्यांना अनेकदा कर्जही घ्यावं लागलं. तिलकच्या आयुष्यात एक काळ असाही होता, जेव्हा त्यांचं कुटुंब आर्थिक संकटाशी झुंजत होतं. त्या काळात तिलकचं क्रिकेटर होण्याचं स्वप्न पूर्ण करण्यासाठी प्रशिक्षक सलाम बिश पुढे आले.
मार्क वूड ठरला IPL 2023 मधील ५ विकेट्स घेणारा पहिला गोलंदाज !
राहण्याची आणि जेवणाची व्यवस्था केली
तिलक यांची मुंबई इंडियन्ससाठी निवड झाल्यानंतर एका मुलाखतीत त्याने प्रशिक्षक सलाम बिश यांचा त्याच्या करिअरमधील योगदानाचा उल्लेख केला. तिलकने सांगितले की, क्रिकेट किट देण्याबरोबरच कोचने प्रशिक्षणही दिलं. तसंच, जेवण आणि राहण्याचीही व्यवस्था केली होती. त्याच्या कोचची ही मदत तिलक आजही विसरलेला नाही. तो जेव्हाही त्याच्या अरिअर बद्दल सांगतो तेव्हा तो त्याच्या कोचचा उल्लेख नक्की करतो. RCB vs MI IPL 2023: मुंबईच्या संघाला अडचणीतून बाहेर काढणाऱ्या ‘त्या’ दोन खेळाडूंना विराटकडून बॅटिंगच्या टिप्स
रोहित शर्माची मोठी भविष्यवाणी
रोहित शर्माने तिलक वर्माबाबात एक मोठी भविष्यवाणी करत सांगितलं होतं की तो लवकरच टीम इंडियाच्या तीनही फॉरमॅटमध्ये खेळताना दिसेल. त्यामुळे जर पुढे तिलक वर्मा हा भारतीय संघात खेळताना दिसला तर आश्चर्य वाटायला नको.
