बेबी यांनी दरवाजा उघडताच हातात कोयते नाचवत जितूने बेबी यांना मारहाण सुरू केली. त्यांच्यावर कोयता उगारण्यात आला. आता आपल्याला ठार मारले जाईल, या भीतीने बेबी यांनी बचावासाठी आरडाओरडा केला. तेव्हा शेजारी, पादचारी बेबी यांच्या घराकडे बचावासाठी धावले. त्यावेळी जितू आणि त्याच्या साथीदारांनी बचावासाठी आलेल्या नागरिकांना तुम्हीमध्ये पडलात तर तुम्हाला कोयत्याने मारू, अशी धमकी दिली. आणि टोळी हातात कोयते घेऊन रस्त्यावर नाचू लागली. बेभान झालेली टोळी घरात घुसेल या भीतीने परिसरातील रहिवाशांनी घराचे दरवाजे बंद केले. यामुळे बेबी यांच्या बचावासाठी कोणीही पुढे आले नाही.
प्रॉपर्टीच्या वादातून दोन सख्ख्या काकांवर जीवघेणा हल्ला, लोखंडी रॉडने मारहाण; एकाचा मृत्यू
बेबी घरात एकट्या असताना जितू टोळी पुन्हा बेबी यांच्या घरात घुसली. त्यांनी बेबी यांना शिवीगाळ आणि मारहाण करत मन्या कुठे आहे ते सांग? असे विचारत घरात शोध घेतला. पण तो आढळून आला नाही. आणि ही गोष्टी पोलीस ठाण्यात सांगितली तर तुम्हाला मारून टाकू, अशी धमकी देत बेबी यांच्या घराच्या दरवाजावर कोयत्याने वार करत टोळी तेथून पसार झाली. बेबी यांच्या तक्रारीवरून पोलिसांनी गुन्हा दाखल केला आहे. सहाय्यक पोलीस निरीक्षक पी. बी. बाकले हे या प्रकरणी तपास करत आहेत.कल्याणमध्ये छमछम! तोकडे कपडे, अश्लील नृत्य; ‘कशिश’ बारमधून २८ बारबाला पोलिसांच्या ताब्यात
