अ‍ॅड. हेमचंद्र मोरे यांनी या प्रकरणाबाबत एक प्रसिद्धीपत्रक जारी केले आहे. त्यानुसार, एका मुलाखतीतील वक्तव्याबाबत सोनाक्षीविरोधात अ‍ॅट्रासिटीअंतर्गत लालबिगे यांनी अ‍ॅड. मोरें यांच्यामार्फत बारामती जिल्हा सत्र न्यायालयात अ‍ॅट्रासिटी कायद्यान्वये फिर्याद दाखल केलेली. या प्रकरणी अतिरीक्त जिल्हा सत्र न्यायाधीशांनी बारामती शहर पोलिसांना सीआरपीसी कलम २०२ अंतर्गत चौकशीचे आदेश दिले होते. मात्र बारामती शहर पोलिसांनी २०२ अंतर्गत दाखल केलेल्या अहवालात असे नमुद केले की, सोनाक्षीने त्या मुलाखतीत विशिष्ट जातीचा उल्लेख केला आहे पण मात्र कोणता गुन्हा केल्याचे दिसत नाही.
सुशांत आणि प्रियंकाला बॉलिवूड माफियांनी केलेलं लक्ष्य, प्रसिद्ध निर्मात्याच्या दाव्यामुळे खळबळ
यानंतर आता वकील मोरे यांनी पोलिसांच्या तपासावरच शंका उपस्थित केली. त्यांनी सोनाक्षीचा जबाब न घेताच पोलिसांनी न्यायालयात अहवाल सादर केल्याची बाब न्यायालयाच्या निदर्शनास आणून दिली आणि तपासाबाबत सवाल उपस्थित केला.
बहिणीच्या निधनानंतर काहीच दिवसांत ‘तो’ फोटो शेअर केला, ट्रोलर्सना दिलं सडेतोड उत्तर
मोरे यांच्या मते, पोलीस स्वत:च न्यायाधीश आणि आरोपींचे वकील असल्यासारखे वागत असून गुन्हा घडला नाही असे म्हणतायंत. त्यामुळे तपासाबाबत त्यांनी शंका व्यक्त केली. बारामती येथील जिल्हा व सत्र न्यायालयाच्या अतिरिक्त जिल्हा सत्र न्यायाधीश जे.पी. दरेकर यांनीही बाब मान्य करत पोलिसांना या प्रकरणी फेर तपासाचे आदेश दिले आहेत. सीआरपीसी कलम २०२ अन्वये पुन्हा तपास करून याबाबतचा अहवाल न्यायालयास ३१ मे २०२३ रोजी अथवा त्यापूर्वी सादर करण्याचे आदेश बारामती शहर पोलिसांना देण्यात आले आहेत.
मधुर भांडारकरांनी सांगितली मराठी कलाकारांची ताकद
