चिमुकली बुडत होती, मैत्रिणी वाचवायला गेल्या अन् तिघीही बुडाल्या, अख्खं गाव हळहळलंही महिला पती आणि चार वर्षीय मुलासह टेमघर परिसरात राहत होते. प्रेयसीला अधुनमधुन भेटण्यासाठी त्याने तिच्या पतीशी ओळख करून मैत्री केली होती. त्यातच त्याने तिला मूळ गावी जाऊन आपला संसार थाटू असा तगादा लावला होता. मात्र ती त्याला नकार देत होती. त्यामुळे त्याने तिच्या चिमुरड्याचा अपहरण करण्याचा कट रचला होता.
साहेबच बनले ड्रायव्हर; सेवानिवृत्त पोलिसाला भावनिक निरोप
३ एप्रिल २०२३ रोजी सायंकाळी चिमुरडा घरा बाहेर खेळत असताना अचानक बेपत्ता झाला. त्याचा शोध घेऊनही तो सापडला नाही. त्यामुळे सायंकाळी सात वाजता चिमुरड्याच्या आईने शांतीनगर पोलीस ठाण्यात मुलाचे अपहरण झाल्याची तक्रार दाखल केली. या तक्रारीचे गांभीर्य ओळखून पोलिसांनी अपहरणकर्त्याचा शोध सुरु केला. दरम्यान पाच वर्षांपासून प्रेमसंबंध असलेल्या प्रियकर रिपोन व्यापारी याने विवाहित प्रेयसीच्या मोबाईलवर संपर्क साधून, ‘तुझा मुलगा माझ्या जवळ आहे, तू माझ्या सोबत राहायला ये, जर तू नाही आली तर तुझ्या मुलाचे बरेवाईट करेन’, अशी धमकी दिली होती.
त्यानंतर तिने पोलिसांना संपर्क साधून याबाबतची मुलाची माहिती दिली. पोलिसांनी आरोपीचे मोबाईल लोकेशन तपासले असता तो नाशिक शहरात असल्याचे समोर आले. त्यानुसार, शांतीनगर पोलीस ठाण्याचे वरिष्ठ पोलीस निरीक्षक शंकर इंदलकर यांच्या नेतृत्वाखाली सहाय्यक पोलीस निरीक्षक मुक्ता फडतरे आणि पोलीस पथकाने तातडीने दोन पथक तयार करुन आरोपीला पकडण्यासाठी कारवाई सुरू केली.पेण ते पनवेल ४५ मिनिटांचा थरार, वनविभागाने समुद्राच्या पोटातील ३० टन वजनी खजिना पकडला, किंमत…
विशेष म्हणजे तांत्रिक तपासाच्या आधारे आरोपीचा माग काढण्यासाठी मुलाच्या आईसोबत सहाय्यक पोलीस निरीक्षक मुक्ता फडतरे या स्वतः रेल्वेने नाशिक येथे पोहचल्या होत्या. शिवाय, आरोपी चिमुरड्याच्या आईशी सतत संपर्कात असतानाच नाशिक रेल्वे स्टेशनच्या ब्रिजवर आरोपी रिपोन व्यापारी उभा असल्याचे दिसले. त्यानंतर महिला पोलीस अधिकारी मुक्त फडतरे यांनी शिताफीने त्याच्या मुसक्या आवळत अपहरण झालेल्या चिमुरड्याची त्याच्या तावडीतून सुखरूप सुटका केली. पोलिसांनी अवघ्या बारा तासातच आरोपीला पकडून बेड्या ठोकल्या आणि चिमुरड्याला त्याच्या पालकांच्या स्वाधीन केले.
