ऑफर फॉर सेल
सूत्रांनी दिलेल्या माहितीनुसार, कंपनी येत्या दोन महिन्यात आयपीओ आणेल. मॅनकाइंड फार्माचा आयपीओ पूर्णपणे ऑफर फॉर सेल (OFS) असू शकतो. कंपनीचे भागधारक ऑफर फॉर सेल अंतर्गत १०% शेअर्सची विक्री करू शकतात. या आयपीओद्वारे क्रिस कॅपिटल आणि कॅपिटल इंटरनॅशनल या खासगी इक्विटी कंपन्या प्रवर्तकांसह इतर शेअर्सची विक्री करू शकतात. येत्या काही दिवसांत आयपीओचा आकार निश्चित होईल.
अबब…! ६६० रुपयांच्या शेअरने खिसा खाली केला, गुंतवणूकदारांना लाखोंचा फटका
कोटक महिंद्रा कॅपिटल, जेफरीज, आयआयएफएल कॅपिटल, अॅक्सिस कॅपिटल आणि जेपी मॉर्गन यासारख्या गुंतवणूक बँका या आयपीओवर काम करत आहेत. त्याचबरोबर शार्दुल अमरचंद मंगलदास, सेरील अमरचंद मंगलदास, एझेडबी अँड पार्टनर्स आणि सिडले ऑस्टिन या लॉ फर्म्सच्या सेवाही घेतल्या जात आहेत.
गुंतवणूकदारांना बुडवण्यात एलआयसीचा IPO नंबर वन, वर्षभरात २.६ लाख कोटी बुडाले; वाचा सविस्तर
कंपनी तपशील
मॅनकाइंड फार्मा प्रिस्क्रिप्शन औषधे, ओटीसी उत्पादने आणि पशुवैद्यकीय औषधे तयार करते. प्रेगा न्यूज, मॅनफोर्स, अनवॉण्टेड-२१, एक्नेस्टार, रिंगआउट, गॅस-ओ-फास्ट आणि कब्जएंड अंतर्गत आपली उत्पादने विकते. कंपनीच्या वेबसाइटवर दिलेल्या तपशिलानुसार, कंपनी १४,००० हून अधिक कामगारांना रोजगार देते. कंपनी यूएस, श्रीलंका, कंबोडिया, केनिया, कॅमेरून, म्यानमार आणि फिलीपिन्ससह ३४ देशांमध्ये कार्यरत आहेत. कंपनीचे पांवटा साहिब (हिमाचल प्रदेश), सिक्कीम, विझाग आणि राजस्थानसह २१ ठिकाणी प्लांट आहेत.
IPO नं केला अपेक्षा भंग, बाजारात एन्ट्री घेताच लागला लोअर सर्किट; गुंतवणूकदारांचे नुकसान
कंपनीचा व्यवसाय प्रामुख्याने भारतात पसरलेला आहे. कंपनीला आर्थिक वर्ष २०२२ मध्ये ९७.६०% महसूल प्राप्त झाला. कंपनीने फार्मा व्यवसायात 36 ब्रँड तयार केले आहेत आणि वैद्यकीय प्रतिनिधींचे (MR) मजबूत वितरण नेटवर्क आहे. एका अहवालानुसार, आर्थिक वर्ष २०२२ मध्ये देशातील ८० टक्क्यांहून अधिक डॉक्टरांनी त्याची औषधे लिहून दिली होती.
