ईएमआयची कल्पना
करोना काळात ग्राहक आर्थिक अडचणीत होते. त्यामुळे आंबा व्यवसायावर परिणाम झाला. लॉकडाउनमुळे अनेक लोकांचं इनकम कमी झालं होतं. त्यामुळे अगदी नेहमीचे ग्राहकही तीन – चार – पाच डझनवरुन अगदी सहाच आंबे घेत होते, असं गौरव यांनी सांगितलं. यातूनच गौरव यांना ईएमआयची ही कल्पना सुचली आणि आंबा EMI वर देण्याचं ठरवलं. सुरुवातीला त्यांचा मनात विचार आला की भिशी सारखी योजना आपण राबवू पण लोक पैसे देतील का नाही ही शाश्वती नव्हती. त्यामुळे त्यांच्या मनातली ती योजना फसली.
हापूस आंबा EMI वर
EMI वरती आंबे द्यायचे तर बँकही तयार व्हायला पाहिजे. एका दिवशी त्यांच्याकडे पेटीएम कंपनीचे कर्मचारी आले, त्यावेळेस गौरव यांनी त्यांची एक अट घातली. माझ्या मनात अशी कल्पना आहे की, आंबे EMI वर द्यावे. ते जर तुम्ही मान्य करत असाल तर आम्ही तुमचे ग्राहक होऊन तुमची सुविधा घेऊ आणि कंपनीनेही त्यांना मान्यता दिली आणि EMI वरती आंबे विकायला सुरुवात झाली.
आंबा व्यवसायकाची भन्नाट कल्पना
गौरव सणस यांच्या दुकानातून हापूस आंब्याची एक पेटी पाच हजारच्या पुढे विकली जाते. हप्ते सुद्धा ५००० च्या पुढे पाडून दिले जातात. तीन महिने ते अठरा महिन्यापर्यंत तुम्ही हे हफ्ते फेडू शकता. म्हणजे सर्वसामान्यांच्या आवाक्यात नसणारे हापूस आंबे हे सर्वसामान्यांना खाता यावे यासाठी आणि उत्पन्न वाढेल यासाठी ही कल्पना त्यांनी राबवली आहे.
कसे घेता येतील EMI वर आंबे?
कोरोना काळात देखील संधी शोधत गौरव सणस यांनी त्याला पाठिंबा देणारा बँकर शोधून एक अफलातून कल्पना प्रत्यक्षात उतरवली आहे. आतापर्यंत दोन ग्राहकांचा त्यांना पाठिंबा मिळाला असून दोन EMI त्यांनी आज पर्यंत केलेले आहेत. त्यांनी प्रत्येकी ३० हजार रुपयांचे आंबे खरेदी केले आहेत. ग्राहक साधं डेबिट कार्ड, क्रेडिट कार्ड घेऊन आलं तर त्यावर सुद्धा त्यांना EMI करून मिळणार आहे.
EMI वरील आंब्याची एकच चर्चा
पुणे आणि तिथे काय उणे असं म्हटलं जातं. त्याच पुण्यात व्यावसायिकाच्या या हटके आयडियाची चर्चा आहे. यानंतर आता पुण्यात आंबे तुम्हाला EMI वर मिळू शकतात. एकप्रकारे पुणेकरांची कल्पनाशक्ती आणि त्याला मिळणारा पाठिंबा हा सध्या पुण्यातील चर्चेचा विषय ठरलेला असून सर्वत्र या EMI वरील आंब्याची पुण्यात चर्चा आहे.
