भुवनेश्वर: देशाच्या १० राज्यांमध्ये २७ महिलांशी लग्न करणाऱ्या रमेश स्वाईनला गेल्या वर्षी अटक झाली. अनेक महिलांनी त्याच्या विरोधात फसवणुकीची तक्रार दाखल केली होती. महिलांशी विवाह करून त्यांची लाखो रुपयांना फसवणूक केल्याचा आरोप त्याच्यावर होता. जवळपास ८ महिने त्यानं पोलिसांना गुंगारा दिला. अखेर रमेश स्वाईन पोलिसांच्या हाती लागला. महिलांना फसवणारा स्वाईन आता वेगळ्याच अडचणीत सापडला आहे.रमेश स्वाईन उर्फ बिभू प्रकाश स्वाईनविरोधात सक्तवसुली संचलनालयानं म्हणजेच ईडीनं गुन्हा दाखल केला आहे. मुलांना एमबीबीएसच्या जागा मिळवून देतो अशी बतावणी करून अनेक पालकांची २ कोटी रुपयांना फसवणूक केल्याप्रकरणी स्वाईनला २०११ मध्ये अटक झाली होती. २००६ मध्ये त्यानं केरळमधील १३ बँकांना १२८ क्रेडिट कार्ड्सच्या माध्यमातून १ कोटी रुपयांना गंडा घातला.
सत्तरीतल्या आजी आवाज ऐकून घराबाहेर; संकटाची चाहूल लागताच डोकं चालवलं; मोठा रेल्वे अपघात टळला
रमेश स्वाईनची पत्नी डॉ. कमला सेठी, त्याची सावत्र बहीण आणि चालकाला पोलिसांनी अटक केली. त्यांना ओदिशा उच्च न्यायालयानं जामीन दिला. ६६ वर्षांचा स्वाईन गेली अनेक वर्षे लोकांची फसवणूक कशी करत होता, याचा तपास ईडीचे अधिकारी करत आहेत. त्यासाठी ईडीच्या अधिकाऱ्यांनी पोलिसांकडून काही कागदपत्रांची मागणी केली आहे. स्वाईनच्या आर्थिक व्यवहारांचा तपास केला जाईल आणि चौकशीसाठी त्याचा ताबा मागितला जाईल, अशी माहिती ईडीच्या अधिकाऱ्यांनी दिली.
पुरुषोत्तमला गावाबाहेर का पाठवलंस? कॉल करून इंजिनीयरला बोलावलं; कारसह जिवंत पेटवलं, पण..
ओदिशा पोलिसांच्या विशेष पथकानं १३ फेब्रुवारीला स्वाईनला अटक केली. त्याचा शोध आठ महिन्यांपासून घेतला जात होता. दिल्लीतील स्वाईनच्या एका पत्नीनं मे २०२१ मध्ये तक्रार नोंदवली होती. ती २०१८ मध्ये मॅट्रिमॉनियल साईटच्या माध्यमातून स्वाईनच्या संपर्कात आली. त्यानंतर स्वाईननं तिच्याशी लग्न केलं. आपण आरोग्य मंत्रालयात उपसंचालक असल्याची बतावणी स्वाईननं तिच्याकडे केली होती.
सत्तरीतल्या आजी आवाज ऐकून घराबाहेर; संकटाची चाहूल लागताच डोकं चालवलं; मोठा रेल्वे अपघात टळलारमेश स्वाईनची पत्नी डॉ. कमला सेठी, त्याची सावत्र बहीण आणि चालकाला पोलिसांनी अटक केली. त्यांना ओदिशा उच्च न्यायालयानं जामीन दिला. ६६ वर्षांचा स्वाईन गेली अनेक वर्षे लोकांची फसवणूक कशी करत होता, याचा तपास ईडीचे अधिकारी करत आहेत. त्यासाठी ईडीच्या अधिकाऱ्यांनी पोलिसांकडून काही कागदपत्रांची मागणी केली आहे. स्वाईनच्या आर्थिक व्यवहारांचा तपास केला जाईल आणि चौकशीसाठी त्याचा ताबा मागितला जाईल, अशी माहिती ईडीच्या अधिकाऱ्यांनी दिली.
पुरुषोत्तमला गावाबाहेर का पाठवलंस? कॉल करून इंजिनीयरला बोलावलं; कारसह जिवंत पेटवलं, पण..ओदिशा पोलिसांच्या विशेष पथकानं १३ फेब्रुवारीला स्वाईनला अटक केली. त्याचा शोध आठ महिन्यांपासून घेतला जात होता. दिल्लीतील स्वाईनच्या एका पत्नीनं मे २०२१ मध्ये तक्रार नोंदवली होती. ती २०१८ मध्ये मॅट्रिमॉनियल साईटच्या माध्यमातून स्वाईनच्या संपर्कात आली. त्यानंतर स्वाईननं तिच्याशी लग्न केलं. आपण आरोग्य मंत्रालयात उपसंचालक असल्याची बतावणी स्वाईननं तिच्याकडे केली होती.
सेक्सटॉर्शन म्हणजे नेमकं काय? सेक्सटॉर्शनला बळी पडला असाल तर काय कराल?
स्वाईननं भुवनेश्वरमध्ये तीन अपार्टमेंट भाड्यानं घेतल्या होत्या. तिथे त्यानं तीन पत्नींना ठेवलं होतं. स्वाईननं फसवणूक केलेल्या महिलांची पोलिसांनी चौकशी केली. स्वाईन लग्न केल्यानंतर पत्नींकडून पैसे उसने मागायचा. पैसे मिळाल्यानंतर स्वाईन पळ काढायचा आणि पुढच्या पत्नीचा शोध सुरू करायचा.
स्वाईननं अनेक उच्चपदस्थ महिलांची फसवणूक केली. इंडो-तिबेटीयन बॉर्डर पोलीस दलातील असिस्टंट कमांडंट, छत्तीसगडमधील चार्टर्ड अकाऊंटंट, आसाममधील डॉक्टर, सर्वोच्च आणि दिल्ली उच्च न्यायालयातील दोन वकील, केरळ सरकारच्या प्रशासकीय सेवेतील अधिकारी यांना स्वाईननं गळाला लावलं.
