ट्रम्प म्हणतात, लेबनानच्या बैरूतमधील स्फोट तर 'हल्ला'!

वॉशिंग्टन: मंगळवारी लेबनानची राजधानी बैरूतमध्ये झालेल्या स्फोटाने सगळं जगंच हादरलं आहे. बैरूत बंदरात झालेला स्फोट हा बंदरातील वेअरहाउसमध्ये ठेवण्यात आलेला अमोनियम नायट्रेटमुळे झाला असल्याचे लेबनान सरकारने म्हटले आहे. मात्र, अमेरिकेचे राष्ट्राध्यक्ष डोनाल्ड ट्रम्प यांनी वेगळंच मत व्यक्त केले असून तो ‘हल्ला’ असल्याचे त्यांनी म्हटले आहे.

डोनाल्ड ट्रम्प यांनी व्हाइट हाउसमध्ये पत्रकारांशी संवाद साधताना बैरूतमधील स्फोटावर आपली प्रतिक्रिया व्यक्त केली. त्यांनी म्हटले की, बैरूतमधील स्फोट हे ‘हल्ल्या’सारखे आहेत. अमेरिकन लष्कराच्या जनरल यांनी दिलेल्या माहितीनुसार, हे स्फोट एखाद्या बॉम्बनेच घडवून आणले असल्याचे ट्रम्प यांनी सांगितले. लेबनानमधील घटना ही जगासाठी दुखद असून मोठे नुकसान झाले असल्याचेही ट्रम्प यांनी म्हटले. लेबनानने या घटनेची चौकशी बॉम्ब हल्ल्याच्या अनुषंगाने करायला हवी असेही त्यांनी म्हटले. दरम्यान, अमेरिकेच्या संरक्षण विभागाने पेंटागॉनने राष्ट्राध्यक्ष ट्रम्प यांच्या विधानावर असहमती दर्शवली. ट्रम्प यांच्या विधानावर व्हाइट हाउस कार्यालयच योग्य ते स्पष्टीकरण देणार असल्याचे वृत्त वृतसंस्था ‘एएफपी’ने दिले आहे.

वाचा:

दरम्यान, लेबननची राजधानी असललेल्या बैरुतमध्ये मंगळवारी संध्याकाळी दोन भीषण स्फोट झाले. या घटनेत जवळपास ७३ ठार तर ३७०० जण जखमी झाल्याची प्राथमिक माहिती आहे. या स्फोटांचा व्हिडिओही व्हायरल झाला आहे. स्फोटातील मृतांचा आकडा वाढण्याची शक्यता आहे. हे स्फोट इतके भीषण होते की आजूबाजूच्या इमारती हादरल्या. यामुळे इमारतींमधील नागरिक भूकंप झाल्याच्या भीतीने बाहेर पडले. हे स्फोट बैरूतच्या बंदरात झाले. वर्षभरापूर्वी अतिसंवेदनशील स्फोटकं आणि साहित्य जप्त करण्यात आली होती. ही स्फोटकं एका ठिकाणी ठेवण्यात आली होती. त्यांचा स्फोट झाला असावा, अशी शक्यता लेबनानच्या गृहमंत्र्यांनी व्यक्त केली.

वाचा:
बैरूतचा स्फोट इतका भीषण होता की अनेकांना अमेरिकेने जपानवर टाकलेल्या अणूबॉम्बची आठवण झाली. स्फोटांच्या घटनेनंतर लेबनानचे राष्ट्राध्यक्ष मायकल आउन यांनी तातडीची सुरक्षा परिषदेची बैठक बोलावली. तर, पंतप्रधान हसन दियाब यांनी बुधवारी एक दिवसाचा राष्ट्रीय शोक पाळण्याची घोषणा केली आहे. या स्फोटात ७३ हून अधिक नागरिकांचा मृत्यू झाला असून ३७०० जण जखमी झाले आहेत. बैरूतचा स्फोट इतका भीषण होता की अनेकांना अमेरिकेने जपानवर टाकलेल्या अणूबॉम्बची आठवण झाली.