st bus accident, कोल्हापूरकडे जाणाऱ्या एसटीला अपघात, प्रवाशांचा एकच गोंधळ, चालकामुळे ३०हून अधिक जण बचावले – st bus accident at parbhani gangakhed highway all passengers are safe
परभणी : परभणीवरून कोल्हापूरकडे जात असताना आयशरला वाचवण्याच्या प्रयत्नता एसटी बसला अपघात झाला. परभणी गंगाखेड महामार्गावर हा अपघात झाला. एसटी बस चालकाने दाखवलेल्या प्रसंगावधानामुळे बसमधील ३० पेक्षा अधिक प्रवासी बचावले आहेत. घटनेची माहिती मिळताच गंगाखेड आगारातील अधिकाऱ्यांनी घटनास्थळी धाव घेऊन पाहणी केली आहे.महाराष्ट्र राज्य परिवहन महामंडळाची बस परभणीहून कोल्हापूरला जात होती. ही बस परभणी गंगाखेड महामार्गावरील धारासूरपाटीजवळ आली असता आयशर ट्रकला वाचवण्याच्या प्रयत्नात चालकाने बसची स्टेरिंग फिरवली. त्यामुळे बस रस्त्यावरून खाली उतरली आणि थेट शेतात घुसली. या घटनेत बसला छोटा अपघात झाला. पण ही घटना घडल्यानंतर बसमधील प्रवाशांमध्ये एकच गोंधळ उडाला होता. पण बसच्या चालकाने दाखवलेल्या प्रसंगावधानामुळे बसमधील ३० हून अधिक प्रवासी बचावले आहेत. बस प्रवासात मुलीची छेड; तरुणाला कपडे फाटेस्तोवर मारहाण; लोकांनी लाथाबुक्क्यांनी हाणलं या घटनेची माहिती मिळताच गंगाखेड आगारातील अधिकाऱ्यांनी आणि कर्मचाऱ्यांनी धारासूरपाटीजवळ धाव घेऊन बसची पाहणी केली. परभणी गंगाखेड या महामार्गाचे काम पूर्ण करण्यात आले असल्याने महामार्गावरून वाहनं सुसाट धावत आहेत. त्यामुळे गंगाखेड परभणी महामार्गावर गेल्या काही दिवसांपासून अपघातांचे प्रमाण वाढले आहे. अपघातामध्ये अनेक निष्पाप नागरिकांना आपला जीव गमवावा लागत आहे. महामार्गावरील अपघात टाळण्यासाठी प्रशासनाकडून ठोस उपाययोजना करण्याची गरज व्यक्त करण्यात येत आहे.
बस प्रवासात मुलीची छेड; तरुणाला कपडे फाटेस्तोवर मारहाण; लोकांनी लाथाबुक्क्यांनी हाणलं
