ठेवी एकाच ठिकाणी शोधण्यात मदत
रिझर्व्ह बँकेने गुरुवारी विविध बँकांमध्ये ठेवीदारांनी किंवा त्यांच्या लाभार्थींनी दावा न केलेल्या ठेवींचा तपशील मिळविण्यासाठी केंद्रीकृत पोर्टल स्थापन करण्याची घोषणा केली. रिझर्व्ह बँक ऑफ इंडियाचे गव्हर्नर शक्तीकांत दास यांनी चालू आर्थिक वर्षासाठी पहिले द्वि-मासिक चलनविषयक धोरण जाहीर करताना वेब पोर्टल सुरू करण्याची घोषणा केली.
RBI MPC Meeting: महागाई कमी होणार की आणखी वाढतच जाणार?, पाहा आरबीआय गव्हर्नर काय म्हणाले
शक्तिकांत दास यांच्या म्हणण्यानुसार, या वेब पोर्टलद्वारे अनेक बँकांमध्ये दावा न केलेल्या ठेवींचा शोध घेता येईल. हे नवीन वेब पोर्टल बँक ग्राहकांना त्यांच्या ठेवी एकाच ठिकाणी शोधण्यात मदत करेल. सध्या १० वर्षे किंवा त्याहून अधिक कालावधीच्या दावा न केलेल्या ठेवी शोधण्यासाठी त्यांच्या लाभार्थ्यांना अनेक बँकांच्या वेबसाइटवर जावे लागते.
हुश्श टेन्शन गेलं… EMI वाढणार नाही; रिझर्व्ह बँकेचा दिलासा, पण आधीच घेतलेल्या गृहकर्ज काय?
आरबीआयकडे हस्तांतरित
बँकेत जमा केलेलेल्या रकमेवर १० वर्ष दावा न सांगितल्यास ती रक्कम रिझर्व्ह बँक ऑफ इंडियाने तयार केलेल्या ठेवीदार शिक्षण आणि जागरूकता निधीमध्ये हस्तांतरित केली जाते. त्याच वेळी बँका त्यांच्या वेबसाइटवर दावा न केलेल्या ठेवींची यादी जारी करतात. ठेवीदार, लाभार्थी यांच्यापर्यंत पोहोचण्यासाठी आरबीआयने एक समर्पित वेब पोर्टल विकसित करण्याचा निर्णय घेतला आहे.
मोठी बातमी… तुमच्या गृहकर्जाचा EMI वाढणार नाही, RBI गव्हर्नर शक्तिकांत दास यांची घोषणा
एसबीआयकडे सर्वाधिक ठेवी
दावा नसलेल्या ठेवींचा तपशील फेब्रुवारीमध्येच घेण्यात आला. सार्वजनिक क्षेत्रातील बँकांनी (PSBs) सुमारे ३५,००० कोटी रुपयांच्या दावा नसलेल्या ठेवी फेब्रुवारी २०२३ पर्यंत आरबीआयकडे पाठवल्या. यामध्ये १० वर्षे किंवा त्याहून अधिक काळ चालू नसलेली खाती समाविष्ट होती. स्टेट बँक ऑफ इंडिया (SBI) बँकांमध्ये पडून असलेल्या दावा न केलेल्या ठेवींच्या यादीत प्रथम क्रमांकावर आहे. भारतीय स्टेट बँकेत (एसबीआय) सुमारे ८,०८६ कोटी रुपयांच्या दावा नसलेल्या ठेवी आहेत. दुसऱ्या क्रमांकावर पंजाब नॅशनल बँक आहे, ज्यांच्या ठेवी ५,३४० कोटी आहेत. त्यानंतर कॅनरा बँक ४,५५८ कोटी रुपयांसह आणि बँक ऑफ बडोदा ३,९०४ कोटी रुपयांसह तिसऱ्या आणि चौथ्या स्थानावर आहे.
