अकोल्याच्या कृषी उत्पन्न बाजार समितीत मार्च महिन्यात तुरीचे दर कमी होते, म्हणजेच १५ मार्च रोजी तुरीचा भाव ६ हजार पासून ८ हजाय २८० रूपये प्रतिक्विंटल प्रमाणे होता. त्यानंतर तुरीचे दर ७५ रुपयांनी घसरल्याने आठ हजार दोनशे पाच रुपयांपर्यंत तुरीला प्रतिक्विंटल भाव मिळाला. येथून पुढे तुरीच्या दरात तेजी येत गेली अन् २० मार्च रोजी तुरीला कमीत कमी ५ हजार ५०० पासून ८ हजार ७०० रूपये इतका भाव गेला. पुन्हा इथून पाच दिवस तुरीच्या दरात घसरण झाली. २५मार्चला तुरीचे भाव ८ हजार ७०० रूपयांवर पोहोचले. २७ अन् २८ मार्च रोजी तुरीच्या दरात तेजी अन् आवक वाढली. २८ मार्चला तुरीचे दर ९ हजारांच्या जवळपास पोहचले. या दिवशी ७ हजार पासून ८ हजार ९६५ रूपये प्रतिक्विंटल प्रमाणे तुरीला भाव आला. मार्च महिन्यातील तुरीला सर्वाधिक जादा दर मिळणारा हा दिवस ठरला. इथून मार्चच्या अखेर तुरीच्या दरात सातत्याने घसरण दिसून येत गेली. २९ मार्चला तुरीचे दर १७० रुपयांनी खाली आले. त्यावेळी ७ हजार पासून ८ हजार ७९५ रूपये इतका भाव तुरीला मिळाला.
मुंबईच्या सामन्यापूर्वी धोनीचं टेंशन वाढलं, ज्याच्यासाठी सर्वांशी भांडले तोच ठरला डोकेदुखी
एप्रिल महिन्यात पहिल्याच आठवड्यात तुरीचे दर घसरले
मार्च महिन्याच्या अखेरिस शेतमालाच्या दरात नेहमीच चढ-उतार दिसून येतो. यंदाही तुरीच्या दरात काहीच वेगळं चित्र दिसून आलं. २९ मार्चच्या तुलनेत ३ एप्रिलला तुरीच्या दरात ५५ रुपयांनी घसरण पाहायला मिळाली. त्यामुळ तुरीला ७ हजार ते ८ हजार ४५० तर सरासरी भाव ८ हजार रूपये प्रतिक्विंटल मागे आला. दुसऱ्या दिवशीही तुरीचे दर १२५ रुपयांनी कमी झाले. ५ एप्रिल रोजीचा ७ हजार पासून ८ हजार ३२५ रूपये अन् सरासरी भाव ८ हजार रूपये इतका तुरीचा भाव होता. त्यानंतर तुरीच्या दरात मोठी वाढ झाली म्हणजेच ४०५ रुपयांनी तुरीचे दर वाढले. अन् ६ हजार ४०५ ते ८ हजार ७३० रूपये प्रति क्विंटलप्रमाणे तुरीला दर मिळाले. तर सरासरी भाव ८ हजार रूपये होता. परंतु, या दरात आज शुक्रवारी ३० रुपयांनी घसरण झाली आहे, आज ८ एप्रिलला ७ हजार २०५ पासून ८ हजार ७०० तसेच सरासरी भाव ८ हजार ३०० रूपये आहे. दरम्यान तुरीच्या दरात घसरण होत असली तरी आगामी काही दिवसांतही तुरीला जास्त दर मिळण्याची शक्यता व्यापारी गटातून वर्तविली जात आहे.
आज शनिवारी अकोटच्या कृषी उत्पन्न बाजार समितीमध्ये तुरीला ८ हजार ७० ते ८ हजार ७५५ रूपये प्रतिक्विंटल प्रमाणे भाव मिळाला. आज अकोला कृषी उत्पन्न बाजार समितीचे तुलनेत अकोटच्या बाजारात ५५ रुपयांनी तुरीला जादा भाव होता.
‘मे’ आणि ‘जून’ महिन्यात तुरीच्या दरात वाढ
मार्च महिन्यातील तुरीच्या दरात १५० ते २०० तसेच कधी ३० तर कधीकाळी ७० रुपयांनी चढ उतार राहू शकतात. पण एप्रिलच्या सुरुवातीपासूनच तुरीची आवक कमी राहून दरवाढ होऊ लागली. तर ‘मे’ आणि ‘जून’ महिन्यात तुरीच्या दरात आणखी तेजी येण्याचा अंदाज आहे. तुरीचे दर ९ हजार रुपयांचा टप्पा गाठू शकतात. म्हणून आता शेतकऱ्यांनी बाजाराचा समजून आपल्या तुरीच्या विक्री करावी, असंही जाणकार सांगतात.
