'मशिदीच्या पायाभरणीला मला बोलावणार नाहीत आणि मी जाणारही नाही'

नवी दिल्लीः अयोध्येत राम मंदिराच्या भूमिपूजन कार्यक्रमानंतर उत्तर प्रदेशचे मुख्यमंत्री योगी आदित्यनाथ यांनी राम मंदिर, कोरोना आणि अयोध्यामध्ये मशिद बांधण्यासारख्या मुद्द्यांवर खुलेपणाने मत मांडलं. कोणीही मला बोलावणार नाही आणि मी जाणार नाही, असं मशिदीच्या पायाभरणीवर सीएम योगी आदित्यनाथ म्हणाले.

सर्व धर्मातील नागरिकांना राम मंदिराच्या भूमिपूजनासाठी आमंत्रित केलं गेलं आणि प्रत्येकजण आला. पण येत्या काही दिवसांत जेव्हा अयोध्ययामध्ये मशिदीचे बांधकाम सुरू होईल. तेव्हा सीएम योगी तेथे जाणार नाहीत असं बोललं जातंय, असा प्रश्न योगी आदित्यनाथ यांना केला गेला. आपलं जे काही काम आहे ते मी काम करेन. आणि मी नेहमीच माझे कार्य कर्तव्य आणि धर्म मानतो. मला माहित आहे की कोणीही मला बोलावणार नाही. यामुळे मी जाणारही नाही, असं योगी आदित्यनाथ म्हणाले.

अयोध्यामधील सुन्नी सेंट्रल वक्फ बोर्डाला ५ एकर जमीन देण्याचा निर्णय सर्वोच्च न्यायालयाने दिला होता. या आदेशानुसार ५ फेब्रुवारीलाच यूपी सरकारने अयोध्या जिल्हा मुख्यालयापासून १८ किलोमीटर अंतरावर असलेल्या धन्नीपूर गावात मशिदीसाठी जमीन देण्यात आली आहे. या जागेवर मशिद बांधली जाणार आहे.