Rinku Singh Message to Yash Dayal, आधी सामन्यात केली धुलाई, मग रिंकूने यश दयालला केला मेसेज, पाहा काय म्हणाला – rinku singh message yash dayal after thrilling match of gt vs kkr know what he said to bowler ipl 2023

अहमदाबाद: कोलकाता नाईट रायडर्सची स्फोटक मधल्या फळीतील फलंदाज रिंकू सिंग आता कोणाच्याही परिचयावर अवलंबून नाही. शेवटच्या षटकातील ५ चेंडूंदमधील ५ षटकार आणि केकेआरला मिळवून दिलेला थरारक विजय वर्षानुवर्षे सर्वांच्या लक्षात असेल. सर्वजण रिंकूचे मनापासून कौतुक करत आहेत. IPL 2023 चा १३वा सामना गुजरात टायटन्स आणि कोलकाता नाईट रायडर्स यांच्यात खेळवला जात होता. पण या सामन्यानंतर यश दयाल चांगलाच खचलेला दिसून आला. या सामन्यात KKRला सामना जिंकण्यासाठी शेवटच्या ५ चेंडूत २८ धावांची गरज होती. यश दयाल गुजरातकडून गोलंदाजी करत असताना केकेआरकडून रिंकू सिंग स्ट्राईकवर होता. रिंकूने ५ चेंडूत ५ षटकार मारून खळबळ एकच खळबळ उडवून दिली आणि कोलकाता नाईट रायडर्सला विजय मिळवून दिला. जिथे एकीकडे रिंकूने आपल्या नावाचा डंका पेटवला. तर दुसरीकडे युवा गोलंदाज यश दयाल लाजेने तोंड लपवताना दिसला.

IPL सुरु असताना ड्रग्ज घेतले, इस्लाम स्वीकारला; आता ९ वर्षानंतर RCB मधून केलं दमदार कमबॅक
रिंकूचे कौतुक करण्यासोबतच चाहत्यांसह अनेक क्रिकेट तज्ज्ञांनीही यश दयालची पाठराखण केली. कोलकाता नाईट रायडर्सनेही खेळाडूला प्रोत्साहन देण्यासाठी त्यांच्या अधिकृत सोशल मीडिया अकाउंटवर यशसाठी एक पोस्ट शेअर केली आहे. त्याचवेळी फलंदाज रिंकूनेही सांगितले की, त्याने सामन्यानंतर यशला मेसेज केला होता.

अंबानींनी अख्खी पर्स रिकामी केली, पोलार्डची कसर भरुन काढली आणि चेन्नईलाही जशास तसं उत्तर दिलं

रिंकूने यशला काय मेसेज केला

केकेआरचा फलंदाज रिंकू सिंगने इंडिया टुडेला दिलेल्या मुलाखतीत सांगितलेकी त्याने सामन्यानंतर लगेच यशला मेसेज केला होता आणि त्याला प्रोत्साहित करण्याचा प्रयत्न केला होता. यशबद्दल बोलताना रिंकू म्हणाला, “मी यशला मेसेज करून म्हटलं होतं की क्रिकेटमध्ये हे सगळं घडतं. गेल्या वर्षी तू गुजरात टायटन्ससाठी चांगली गोलंदाजी केलीस. मी फक्त त्याला प्रोत्साहित करण्याचा प्रयत्न करत होतो. रिंकू आणि यश दोघेही उत्तर प्रदेशचे खेळाडू आहेत आणि दोघेही यूपीसाठी देशांतर्गत क्रिकेट खेळतात. इतकंच नाही तर दोघेही टीममेट राहिले आहेत आणि खूप चांगले मित्र आहेत.”