मुंबईकरांसाठी गुडन्यूज, मुंबई ते ठाणे प्रवास आता सिग्नल फ्री, नवी मुंबईकरही ठाण्याला सुस्साट जाणार!
हिंजवडी-शिवाजीनगर या मेट्रो मार्गावरील २३ क्रमांकाचे मेट्रो स्टेशन उभारण्यासाठी शिवाजीनगर जिल्हा सत्र न्यायालयाच्या आवारातील ११५०.६६ चौरस मीटर जागा कायमस्वरूपी व १०१.४१ चौरस मीटर जागा पीएमआरडीएला हवी होती. ही जागा हस्तांतर करण्यासाठी गेल्या दोन ते अडीच वर्षांपासून पीएमआरडीएकडून पाठपुरावा करण्यात येत होता. त्यानुसार जिल्हा व सत्र न्यायालयाने ही जागा हस्तांतरणाला बुधवारी लेखी परवानगी दिली आहे. त्यामुळे मेट्रो मार्गातील सर्वात मोठा अडथळा दूर झाला आहे. मेट्रो प्रकल्पासाठी आवश्यक असलेली ९९.७५ टक्के जागा मिळाली आहे. अद्याप न मिळालेली जागा ही राजभवन विभागाची आहे. ती जागा देखील एप्रिल महिन्यातच हस्तांतर होणे अपेक्षित आहे.
दरम्यान, मुंबई राजभवन कार्यालयामार्फत जागा हस्तांतरणाचा प्रस्ताव केंद्र सरकारला पाठविण्यात आला आहे.
