हे १०० बेड्सचे वसतिगृह लवकरच तयार होईल. या वसतिगृहात सुमारे १०० विद्यार्थ्यांची राहण्याची व्यवस्था करण्यात आली आहे. गरिबीमुळे मागे राहिलेल्या प्रतिभावान मुलांना या वसतिगृहात राहण्यासोबतच क्रिकेटचे प्रशिक्षणही मिळावे, हा रिंकू सिंहचा उद्देश आहे.
मुकुल सिंह यांनी सांगितले की, रिंकू अशा गरीब मुलांसाठी वसतिगृह बांधत आहे, ज्यांना क्रिकेटमध्ये त्यांचे भविष्य घडवायचे आहे, परंतु त्यांच्या मार्गात अनेक अडथळे आहेत. एवढेच नाही तर गरीब मुलांना रिंकू सिंग प्रशिक्षणही देणार आहे. सुमारे एक ते दीड महिन्यात या वसतिगृहाचे बांधकाम पूर्ण होणार आहे.
माझ्या भावाने गरिबी सोसली आहे, त्यामुळे गरीब मुलांच्या वेदना तो समजू शकतो. या कारणामुळे त्याला गरीब मुलांना प्रशिक्षण देऊन क्रिकेटच्या जगात चमकवायचे आहे. जवळपास शंभर मुलांसाठी हे वसतिगृह तयार करण्यात आले आहे. वसतिगृहातील मुलांना प्रशिक्षणासोबतच सर्व सुविधा मोफत दिल्या जाणार आहेत. आता कोणत्याही होतकरु मुलाचा मार्ग गरिबीमुळे रोखला नाही, असा विश्वास रिंकू सिंहच्या भावाने व्यक्त केला.
मुंबईकर सूर्याचा धावांसाठी ‘धावा’, ‘दिल्लीचा गुरु’ पाँटिंगकडून टिप्स, मालक अंबानीही खुलले
रिंकूचा आतापर्यंतचा प्रवास अतिशय खडतर राहिला आहे. रिंकूचे वडील सिलिंडर डिलिव्हरीचं काम करतात. तर भाऊ रिक्षा चालवतो. आयपीएलमध्ये कोलकाता नाईट रायडर्सनं रिंकू सिंहला संधी दिली आणि त्याचं आयुष्य बदललं. मूळ अलिगढचा असलेला रिंकू लहानपणापासून क्रिकेट खेळतो. घरची परिस्थिती हलाखीची असतानाही त्याने क्रिकेट सोडलं नाही. याच क्रिकेटनेच त्याला आता स्टारडम दिलं आहे.
यश दयालच्या शेवटच्या षटकात ५ षटकार खेचत त्यानं कोलकात्याला संस्मरणीय विजय मिळवून दिला. रिंकूमुळे गुजरातनं हातातोंडाशी आलेला सामना गमावला. तीन फुलटॉस आणि २ हाफपिच बॉल प्रेक्षकांमध्ये भिरकावत रिंकूनं सामना फिरवला.
अश्विन बॉल टाकताना थांबला, रहाणेने पुढच्या चेंडूला वचपा काढला; मैदानावरच सायलंट वॉर
