Authored byप्रसाद रानडे|Edited byकुणाल गवाणकर|महाराष्ट्र टाइम्स.कॉम|Updated: 14 Apr 2023, 4:42 pm

गावी जात असताना एका तरुणाचा दुर्दैवी अंत झाला. बंटी भोईर असं तरुणाचं नाव आहे. श्रीराम पुलावर त्याच्या बाईकला अपघात झाला. डंपरखाली आल्यानं बंटीचा जागीच मृत्यू झाला.

 

youth dies in bike accident
रायगड: रायगड जिल्ह्यातील कर्जत तालुक्यात श्रीराम पूलावर एका डंपर खाली येऊन तरुण दुचाकीस्वाराचा दुर्दैवी मृत्यू झाल्याची घटना घडली आहे. बंटी भोईर मृत्यूमुखी पडलेल्या तरुणाचे नाव आहे. १३ एप्रिलला (गुरुवारी) सायंकाळी ६ वाजता सुमारास या दुर्दैवी अपघाताची घटना घडली आहे. दुचाकीवरील नियंत्रण सुटल्याने तो दुचाकीवरून उडून थेट रस्त्यावर जाऊन पडला व डंपर खाली आल्याने त्याचा जागीच मृत्यू झाला.तेजस उर्फ बंटी भोईर हा कर्जत तालुक्यातील तमनाथ गावातील रहिवासी आहे. बंटी भोईर हा त्याच्या मोटरसायकलहून (एमएच ४६ सीबी-१५३१) कर्जत तालुक्यातील तमनाथ या गावी घरी निघाला होता. श्रीराम पुलावरून जात असताना त्याचे दुचाकीवरील नियंत्रण सुटले. तो खाली पडला. याचवेळी बाजूने येणाऱ्या डंपर खाली तेजसच्या डोक्याला गंभीर दुखापत झाली. त्यामुळे त्याचा जागीच मृत्यू झाला.
भयंकर! साखळी, चाबूक, विजेचा शॉक; बेदम मारहाणीत ट्रान्सपोर्ट मॅनेजरचा अंत; मालकानं जीव घेतला
या सगळ्या घटनेचे वृत्त कळताच तात्काळ कर्जत पोलिसांनी घटनास्थळी धाव घेतली. त्यांनी तेजसचा मृतदेह कर्जत उपजिल्हा रुग्णालयात हलवला. शवविच्छेदनानंतर तेजसचा मृतदेह नातेवाईकांच्या ताब्यात देण्यात आला. तेजसच्या अकाली निधनाने परिसरावर शोककाळा पसरली आहे. तेजसच्या मृत्यूने त्याच्या कुटुंब आणि मित्र परिवाराला मोठा धक्का बसला आहे.

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here