नवी मुंबई :खारघरमध्ये रविवारी होणाऱ्या महाराष्ट्र भूषण पुरस्कार कार्यक्रमासाठी श्री सदस्य मोठ्या प्रमाणात उपस्थित राहणार असल्यामुळे नवी मुंबई वाहतूक विभागाने कोपरा भुयारी मार्गकडून डी मार्टकडे जाणारा रस्ता तीन दिवस तर ग्रामविकास भवनकडून ओवेगावकडे जाणाऱ्या सर्व प्रकारच्या वाहनास शनिवार दुपार आणि रविवार रात्री नऊपर्यंत प्रवेश बंदी केली आहे.येत्या रविवारी १६ तारखेला ज्येष्ठ निरूपणकार अप्पासाहेब धर्माधिकारी यांचा राज्य सरकारतर्फे महाराष्ट्र भूषण पुरस्कार देवून सन्मान करण्यात येणार आहे. या सत्कार सोहळ्यासाठी पंचक्रोशीतून वीस लाखाहून अधिक सदस्य उपस्थित राहण्याची शक्यता आहे. सोहळ्यास उपस्थित राहणाऱ्या सदस्यांना कोणताही त्रास होणार नाही, याची खबरदारी घेत नवी मुंबई वाहतूक पोलिसांनी घेतली आहे. यानुसार पोलिसांनी पुढील प्रमाणे तयारी केली आहे.

> सायन-पनवेल महामार्गावरील कोपरागाव भुयारी मार्गातून डी-मार्टकडे जाणारा मार्ग शनिवार दुपारी दोन ते सोमवार सकाळी दहापर्यंत वाहनास प्रवेश बंद असणार आहे.

> खारघर सेक्टर २८, २९ आणि ३१ येथील सिडकोच्या खारघर कार्पोरेट मैदानावर पुरस्कार सोहळा असल्यामुळे ग्रामविकास भवनकडून ओवेगाव चौक, फुटबॉल स्टेडियम, जे. जे. सोमाणी स्कूल या परिसरात सदस्यांची वाहने तसेच पोलीस यंत्रणा, अग्निशमन, रुग्ण वाहिका इत्यादी अत्यावश्यक वाहने वगळता इतर सर्वप्रकारच्या वाहनांना शनिवार दुपारी दोन ते रविवारी रात्री नऊ वाजेपर्यंत बंदी असणार आहे.

> सेक्टर ३६, तळोजागाव आणि तळोजा वसाहतकडे ये-जा करणाऱ्या वाहनांसाठी ग्रामविकास भवनकडून ग्रीन हेरिटेज, मुर्बीगाव, रांजणपाडा मार्गे तळोजा आणि सेक्टर ३० ते ३६ अशा पर्यायी मार्गांची सोय करण्यात आली आहे.

नवी मुंबईत जाहिरातबाजीसाठी भर उन्हाळ्यात अशोकाच्या ३० झाडांची कत्तल; पर्यावरणप्रेमींचा संताप
शनिवारी खारघरमधील शाळांना सुट्टी

खारघरमध्ये रविवारी होणाऱ्या महाराष्ट्र भूषण पुरस्कार कार्यक्रमासाठी सदस्यांचा मोठा जन समुदाय येण्याची शक्यता आहे. शालेय विद्यार्थ्यांना अडचण येवू नये, यासाठी पनवेल पालिका प्रशासनाने शाळा बंद ठेवण्याचे आदेश सर्व शाळांना दिले आहे.

NMMT बसचा मासिक पास वापरणाऱ्या विद्यार्थ्यांसाठी महत्वाची बातमी; प्रशासनाचा मोठा निर्णय
डॉ. दत्तात्रय नारायण उर्फ अप्पासाहेब धर्माधिकारी यांना रविवारी १६ तारखेला राज्य शासनाकडून महाराष्ट्र भूषण पुरस्कार दिला जाणार आहे. या सोहळ्यासाठी मोठा जन समुदाय येण्याची शक्यता आहे. या पार्श्वभूमीवर वाहतूक कोंडी होवून शाळेतील विद्यार्थ्यांना अडचण निर्माण होण्याची शक्यता आहे. यामुळे पनवेल पालिका प्रशासनाने सर्व शाळांना सुट्टी देवून पूर्णपणे शाळा बंद ठेवण्यात यावे, असे आदेशाचे पत्र उपायुक्त विठ्ठल डहाके यांनी सर्व शाळा प्रशासणास दिले आहेत.

रविवारी होणाऱ्या कार्यक्रमाची तयारी अंतिम टप्यात असून पोलीस प्रशासनाने खारघर सेक्टर १६ कडून तळोजा गावकडे जाणाऱ्या रस्त्याच्या कडेला वाहन पार्किंगची सोय केली आहे. तर हेलिकॉप्टरने येणाऱ्या मंत्री महोदयांसाठी सेक्टर ३८ सत्य साई संजीवनी हॉस्पिटल समोरील मोकळ्या जागेत हेलिपॅड उभारण्याचे काम वेगात सुरू आहे. सिडकोने मैदानाच्या चोहीबाजूने नळ जोडणी केली आहे. विशेष म्हणजे विभाग निहाय येणारी वाहने, बैठक व्यवस्था या विषयी श्री सदस्यांना माहिती देण्यात येत आहे.

LEAVE A REPLY

Please enter your comment!
Please enter your name here