जवळपास ५७ जणांना विषबाधा झाली असून सर्वांना रुग्णालयात दाखल करण्यात आले. यात ११ मुले, ४७ महिला आणि पुरुष रुग्णांचा समावेश आहे. पाणीपुरीमध्ये बटाटा दिला जातो. याच बटाट्याच्या भाजीतून ही विषबाधा झाल्याचा अंदाज वर्तविण्यात येत आहे. चाभरा येथील प्राथमिक आरोग्य केंद्रात ४७, अर्धापूर ग्रामीण रुग्णालयात ८, नांदेड येथे खासगी रुग्णालयात दोघांवर उपचार सुरू आहेत.
प्रेमी युगुलाला अडवलं, प्रियकराच्या बरगडीत गोळी झाडली, नांदेडमधील घटनेचं गूढ अखेर उकललं
नांदेडचे पथक दाखल, परिस्थिती नियंत्रणात
जिल्हा साथरोग अधिकारी डॉ. रुईकर, तालुका आरोग्य अधिकारी डॉ. मुरमुरे, वैद्यकीय अधिकारी डॉ. प्रविण शिंदे यांच्या मार्गदर्शनाखाली डॉ. संदेश कदम, समुदाय आरोग्य अधिकारी डॉ. निलेश मुस्तापुरे, सतीश जाधव सुपरवायझर कुंटूरवार, आरोग्य सेविका कल्याणी, करकले, टरके, कदम, चिंचोलकर, पंजरकर, आशा वर्कर आणि मदतनीस चाभरा गावात दाखल झाले. या सर्वांनी मिळून बाधित रुग्णांना त्वरित तपासणी करून सलाइन, औषध गोळ्या दिल्या आहेत. परिस्थिती नियंत्रणात असून सर्व प्रकरणावर आरोग्य विभाग लक्ष ठेवून आहे.
वडिलांसमोरील अडचणी वाढत होत्या, संकट कमी होण्याऐवजी वाढत होतं,अखेर लेकानं उचललं टोकाचं पाऊल
रुग्णांची प्रकृती स्थिर…
काही अत्यावस्थ रुग्णांना पुढील उपचारासाठी शासकीय रुग्णालय नांदेड येथे पाठविण्यात आले आहे. तर येथे दाखल रुग्णांची प्रकृती स्थिर आहे, असे सरपंच प्रतिनिधी सदाशिवराव चाभरकर यांनी सांगितले.
