नवी मुंबई :खोपोलीजवळ शनिवारी पहाटे झालेल्या अपघातातील मृतांची संख्या ही १४वर गेली आहे. अपघातात जखमी झालेल्या आणि मुंबईत गोरेगाव पश्चिमेकडे राहणारे संकेत चौधरी यांची मृत्यूशी झुंज अपयशी ठरली आहे. याच अपघातात विद्यापीठ स्तरावर सुवर्णपदक जिंकलेला कुस्तीगीरही जखमी झाला आहे. त्याच्यावर कामोठे येथील एमजीएम हॉस्पिटलमध्ये उपचार करण्यात येत आहे.खोपीलजवळ खासगी बसला झालेल्या अपघात २४ वर्षीय सुवर्णपदक विजेता ओंकार पवारही जखमी झाला. या अपघात ओंकार गंभीर जखमी झाला असून त्याच्यावर उपचार सुरू आहेत. तो ICU मध्ये दाखल आहे. ओंकार हा कुस्तीगीर असून तो मुंबई विद्यापीठासाठी स्पर्धा खेळतो. हरयाणात गेल्या वर्षी झालेल्या राष्ट्रीय विद्यापीठ स्पर्धेत त्याने मुंबई विद्यापीठाचं प्रतिनिधित्व केलं होतं. ओंकारची घरची परिस्थिती बिकट आहे. त्याचे वडील रिक्षाचालक आहेत. ओंकारला काय जखमा झाल्या आहेत? याची कुठलीही माहिती कुटुंबाला नाही. अपघात होऊन दोन दिवस उलटले अजूनही मी मुलाला भेटू शकलेलो नाही आणि त्याला पाहिलंही नाही. राज्य सरकार त्याच्यावर विशेष आणि आवश्यक ते वैद्यकीय उपचार करेल अशी अपेक्षा आहे, असं ओंकारचे वडील जितेंद्र पवार म्हणाले. मुंबईतील ढोलताशा पथक झोपेत असताना बस १५० फूट खोल कोसळली, बोरघाटातील दरीतून थरकाप उडवणारा किंकाळ्यांचा आवाज ओंकारने महाराष्ट्र केसरी कुस्ती स्पर्धेत १२५ किलो वजनी गटात सहभाग घेतला होता. स्पर्धेत त्याने पहिल्या फेरीत विजयही मिळवला होता. पुण्यात गेल्या महिन्यात मार्चमध्ये ही महाराष्ट्र केसरी कुस्ती स्पर्धा झाली होती. ओंकारने कांस्यपदक जिंकलं होतं. राज्य सरकारकडून किमान मासिक मानधनासाठी पात्र ठरला होता. पण तो फायनल गाठू शकला नाही, अशी माहिती ओंकारचे वडील जितेंद्र पवार यांनी दिली.
मुंबईतील ढोलताशा पथक झोपेत असताना बस १५० फूट खोल कोसळली, बोरघाटातील दरीतून थरकाप उडवणारा किंकाळ्यांचा आवाज
