बिजिंग :चीनची राजधानी बिजिंगमध्ये थरारक घटना घडली. एका हॉस्पिटल भीषण आग लागल्याने या आगीत २१ जणांचा मृत्यू झाला आहे. तर अनेक जण जखमी झाले आहेत. आगीतून जीव वाचवण्यासाठी अनेकांनी हॉस्पिटलच्या उंच इमारतीच्या खिडक्यांमधून उड्या मारल्या. तर काही जण एसीच्या आउटडोरअ युनिवर बसलेले दिसून आले.राजधानी बिजिंगमध्ये चांगफेंक हे मोठे हॉस्पिटल आहे. या हॉस्पिटलच्या पूर्वेकडील भागाला मंगळवारी दुपारी १२.५७ वाजता अचानक आग लागली. यानंतर हॉस्पिटलच्या वार्डांमध्ये सर्व धूरच धूर पसरला. आगीमुळे हॉस्पिटलमधील रुग्ण आणि त्यांचे नातेवाईक जीव वाचवण्यासाठी सैरावैरा पळू लागले. यावेळी काही जणांचा जीव गुदमरला तर काही जण आगीत होरपळले. एकूण २१ जणांना या भीषण आणि थरारक घटनेत मृत्यू झाल्याचं वृत्त बिजिंग डेलीने दिलं आहे.
हॉस्पिटलमधील आगीच्या घटनेनंतर हॉस्पिटलच्या परिसरातही एकच गोंधळ उडला होता. आगीच्या घटनेची माहिती अग्निशमन दल आणि पोलिसांना देण्यात आली. यानंतर पोलीस आणि अग्निशमन दलाच्या गाड्या घटनास्थळी दाखल झाल्या. अथक प्रयत्नानंतर अग्निशमन दलाने आगीवर नियंत्रण मिळवले. तसंच रुग्णवाहिका बोलावून जखमींना आणि रुग्णांना उपचारासाठी दुसऱ्या हॉस्पिटलमध्ये दाखल करण्यात आलं आहे. या घटनेत गंभीर जखमी झालेल्या अनेकांची प्रकृती चिंताजनक असल्याचं सांगण्यात येत आहे.
अरेरे! शेजाऱ्यांसाठी इफ्तारची तयारी करून निजले; दुबईत भारतीय जोडप्याचा झोपेतच करुण अंत
