नेत्रुड येथील इयत्ता नववीच्या वर्गात शिकत असलेला विद्यार्थी गुलाम मोहम्मद मुर्तजा शेख हा १५ वर्षीय मुलगा त्याची लहान बहीण सिमरन आणि छोटा भाऊ असेफर यांना सोबत घेऊन आपल्या आजोबांच्या शेतात मंगळवारी सकाळी सात वाजता सरपन आणण्यासाठी गेला होता. शेतात जात असताना दत्ता माणिक डाके यांच्या शेतात कैलास डाके, महादेव डाके, हनुमंत वानखेडे या तिघांनी त्याचा रस्ता अडवला.
तरुणीची छेड काढत फरफटत नेणाऱ्या रिक्षाचालकाला बेड्या, मुख्यमंत्र्यांच्या शहरातील धक्कादायक प्रकार
आमच्या शेतातून का जातोस म्हणत गुलामला त्यांनी जमिनीवर पाडून मारहाण करण्यात सुरुवात केली. सरपणासाठी नेलेल्या ओढणीने तिघेजण गुलामचा गळा आवळत असताना घाबरलेल्या सिमरन आणि उजेब याने घराकडे पळत काढला. घरी जाऊन घडलेला सर्व प्रकार आई-वडिलांना सांगितला. गुलामचे वडील मूर्तजा शेख यांच्यासह नातेवाईकांनी घटनास्थळाकडे धाव घेतली.
जुन्या भांडणाचा राग, महिलेचा विनयभंग करत विष पाजले, पीडीतेची मृत्यूशी झुंज; नातेवाईकांचा दावा
यावेळी पालखी महामार्गावरील नेतृत्व पासून हाकेच्या अंतरावर असलेल्या शेतात लिंबाच्या झाडाला गुलामचा मृतदेह लटकवलेला अवस्थेत नातेवाईकांना आढळला. या घटनेची माहिती तात्काळ पोलिसांना देण्यात आली. या घटनेची माहिती होताच पोलिसांनी घटनास्थळी दाखल होत पंचनामा करून मृतदेह शवविच्छेदनासाठी माजलगाव ग्रामीण रुग्णालयात पाठवला आहे.
बांगड्या आरशाच्या हुकमध्ये अडकल्या अन् घात झाला; चिमुकल्या आरोहीचा करुण अंत, कुटुंब सुन्न
शवविच्छेदनानंतर सायंकाळी नेत्रुड येथे शोकाकुल वातावरणात गुलाम मोहम्मद मूर्तजा शेख याच्यावर अंत्यसंस्कार करण्यात आले. दरम्यान मृत्यू झालेल्या गुलामचे वडील शेख यांच्या तक्रारीवरुन कैलास उर्फ पिंटू शिवाजी डाके, महादेव सुंदरराव डाके राहणार नित्रुड आणि हनुमंत वानखेडे राहणार टालेवाडी, यांच्यावर गुलाम यांची हत्या केल्याप्रकरणी गुन्हा नोंद झाला आहे. दिंद्रुड पोलिसांनी यातील मुख्य आरोपी कैलास उर्फ पिंटू डाके याला सायंकाळी ताब्यात घेतलं असून पुढील तपास आणि आरोपीचा शोध पोलीस प्रशासन घेत आहे.
