Breaking: करोनाचं थैमान! दिवसभरात ११५१४ नवे रुग्ण, ३१६ जण दगावले

मुंबईः राज्यात आज सलग दुसऱ्या दिवशीही १० हजारांहून अधिक नव्या रुग्णांची नोंद झाली आहे. आज ११ हजार ५१४ इतके रुग्ण सापडले आहेत. त्यामुळं एकूण रुग्णांची संख्या ४ लाख ७९ हजार ७७९ इतकी झाली आहे. अशी माहिती राज्याचे आरोग्यमंत्री राजेश टोपे यांनी दिली आहे. (Coronavirus in Maharashtra)

राज्यात विक्रमी संख्येनं करोना रुग्णांची नोंद होत असली तरी रुग्ण बरे होण्याचे प्रमाणही वाढतेच आहे. आज राज्यात तब्बल १० हजार ८५४ रुग्ण बरे होऊन घरी परतले आहे. तर राज्याचा रिकव्हरी रेटही ६५.९४ %वर पोहोचला आहे. आत्तापर्यंत एकूण ३ लाख १६ हजार ३७५ रुग्ण करोनाची लढाई जिंकून घरी सुखरुप परतले आहेत. राज्यातील विविध रुग्णालयांत एकूण १ लाख ४६ हजार ३०५ अॅक्टिव्ह रुग्ण उपचार घेत आहेत. सध्या राज्यात ९ लाख ७६ हजार ३३२ व्यक्ती होम क्वारंटाइनमध्ये आहेत तर, ३७, ७६८ व्यक्ती संस्थात्मक क्वारंटाइनमध्ये आहेत.

वाचाः

राज्यातील मृत्यूदर अद्यापही अटोक्यात आणण्यात आरोग्य प्रशासनाला यश आलं नाहीये. राज्यातील करोना मृतांचा आकडाही दिवसेंदिवस वाढताना दिसत आहे. आज तब्बल ३१६ जणांना करोनामुळं प्राण गमवावे लागले आहेत. त्यामुळं एकूण करोना मृतांचा आकडा १६ हजार ७९२ इतका झाला आहे. तर, आत्तापर्यंत तपासण्यात आलेल्या २४ लाख ८७ हजार ९९० चाचण्यांपैकी ४ लाख ७९ हजार ७७९ (१९.२८ टक्के) चाचण्यांचा अहवाल पॉझिटिव्ह आला आहे.

(आज नोंद झालेले मृत्यू) : मुंबई मनपा-९१० (५७), ठाणे- २०९ (११), ठाणे मनपा-२६६ (२७),नवी मुंबई मनपा-३८४ (२), कल्याण डोंबिवली मनपा-२४३ (७),उल्हासनगर मनपा-२४ (३), भिवंडी निजामपूर मनपा-२९ (६) , मीरा भाईंदर मनपा-१५७,पालघर-७६ (४), वसई-विरार मनपा-१८६ (६), रायगड-२५९ (४), पनवेल मनपा-१७० (१), नाशिक-१८७(२),नाशिक मनपा-६०२ (११), मालेगाव मनपा-२६, अहमदनगर-२४९ (५),अहमदनगर मनपा-२८४, धुळे-५७ (१), धुळे मनपा-१२९ (१), जळगाव-३४३ (१३), जळगाव मनपा-१३७, नंदूरबार-४९ (१), पुणे- ५९४ (१२), पुणे मनपा-१५१२ (३१), पिंपरी चिंचवड मनपा-९८५ (१९), सोलापूर-२०५ (१४), सोलापूर मनपा-६७ (१), सातारा-२०५ (२), कोल्हापूर-४२१ (११), कोल्हापूर मनपा-१४३ (२), सांगली-७५ (३), सांगली मिरज कुपवाड मनपा-२५४ (२), सिंधुदूर्ग-५, रत्नागिरी-५७ (१), औरंगाबाद-१८५ (२), औरंगाबाद मनपा-८६ (५), जालना-६६, हिंगोली-१४, परभणी-१४ (४), परभणी मनपा-१८ (३), लातूर-१३२ (२), लातूर मनपा-८० (४), उस्मानाबाद-१२६, बीड-१०९ , नांदेड-६६ (३), नांदेड मनपा-४९ (२),अकोला-४१ (१), अकोला मनपा-३३, अमरावती-६८ (२), अमरावती मनपा-७३ (५), यवतमाळ-४४ (२), बुलढाणा-८२ (३), वाशिम-२३, नागपूर-२०६ (६), नागपूर मनपा-३३१ (१२), वर्धा-५, भंडारा- ५३, गोंदिया-२३, चंद्रपूर-५२, चंद्रपूर मनपा-१७, गडचिरोली-१३, इतर राज्य १५.

वाचाः