सेक्टोरल फंड्स म्हणजे काय? सेक्टरल फंड हे मुळात इक्विटी फंड असतात. परंतु ते गुंतवणूकदारांचे पैसे एखाद्या विशिष्ट क्षेत्रात किंवा त्याच्याशी संबंधित व्यवसायांमध्ये गुंतवतात. तुम्ही हेल्थकेअर फंड निवडल्यास तुमचे बहुतेक पैसे हेल्थकेअर किंवा संबंधित कंपन्यांमध्ये गुंतवले जातील.
तुम्हाला करोडपती व्हायचं आहे का?, मग ही युक्ती समजून घ्या, रोज वाचवा फक्त ५० रुपये
सेक्टरल फंड कसे काम करतात?
देशाच्या अर्थव्यवस्थेत तंत्रज्ञान, बँकिंग, फार्मा, नैसर्गिक संसाधने इत्यादींसह अनेक भिन्न क्षेत्रे आहेत. यापैकी प्रत्येक क्षेत्र वेळोवेळी चांगली कामगिरी करत असतो. त्यावेळी त्या क्षेत्रातील कंपन्या चांगला व्यवसाय करतात, त्यामुळे त्यांचे शेअर्स वाढतात. अशा स्थितीत, सेक्टरल फंड जे त्या क्षेत्रांचे आहेत, त्यांचा गुंतवणूकदारांना फायदा होतो.
सेक्टरल फंड समजून घेण्यासाठी करोनाचा काळ हा सर्वोत्तम उदाहरण आहे. त्यावेळी आरोग्यसेवा आणि आयटीची मागणी खूप वाढली होती, त्यामुळे या क्षेत्रातील कंपन्यांनी गुंतवणूकदारांना मोठा परतावा दिला. तर हॉटेल्स बंद असल्याने या क्षेत्रातील कंपन्यांच्या शेअर्समध्ये मंदी राहिली.SIPचा वरचष्मा कायम, प्रथमच गुंतवणूक १४००० कोटी पार; म्युच्युअल फंडांतही तेजी
सेक्टोरल फंडाचा सर्वात मोठा फायदा आणि तोटा काय?
तुमच्या निवडलेल्या फंडाने चांगली कामगिरी केल्यास तुम्हाला चांगला परतावा मिळेल, हा सेक्टोरल फंडाचा चांगला फायदा आहे. पण नुकसान देखील तेच आहे. म्हणजे समजा जर तुम्ही फार्मा सेक्टर फंडात गुंतवणूक केली आणि त्या क्षेत्राला अडचणींचा सामना करावा लागत असेल तर तुमचे पैसे अडकतील आणि तुमचे नुकसान होऊ शकते.
‘या’ गोष्टी लक्षात ठेवा
- गुंतवणूक करण्यापूर्वी तुमचे ध्येय ठरवा
- गुंतवणुकीच्या जोखमीबद्दल जागरूक रहा
- तुमच्या पोर्टफोलिओमध्ये जास्त गुंतवणूक करू नका
- निधीचे खर्चाचे प्रमाण तपासा
बंपर म्युच्युअल फंड योजना, फक्त तीन वर्षात करा लाखोंची कमाई; कसं ते जाणून घ्या
सेक्टोरल क्षेत्रातील कमाईवर कर
सेक्टोरल फंडांवर दोन प्रकारचे कर लागू होतात. गुंतवणुकीची पूर्तता एक वर्षाच्या आत केल्यास नफा शॉर्ट टर्म कॅपिटल गेन (STCG) मानला जाईल आणि त्यावर १५% कर भरावा लागेल. तर एक वर्षापेक्षा जास्त काळ ठेवल्यास नफा करपात्र दीर्घकालीन भांडवली नफा (LTCG) मानला जातो. एका आर्थिक वर्षात १ लाखांपर्यंतचा नफा करमुक्त असून १ लाखापेक्षा जास्त नफ्यावर १०% दराने कर आकारला जातो.
बोनस वापरण्याचे स्मार्ट प्रकार
(नोट: म्युच्युअल फंडातील गुंतवणुकीत जोखीम असते, त्यामुळे तुमच्या स्वतःच्या जबाबदारीवर गुंतवणूक करा. तसलेच गुंतवणूक करण्यापूर्वी तज्ञांचे मत जाणून घ्या.)
