अशी आहे घटना
सुशीला यांना पाच मुली व दोन मुलांपैकी संतोष व एक अविवाहित मुलगी स्नेहलता यांच्यासोबत त्या राहत होत्या. १६ जून, २०१६ रोजी दुपारी १२.३०च्या सुमारास सुशीला यांची दुसरी मुलगी अँजेलिना घरी आली होती. त्यानंतर साधारण १५ मिनिटांनी संतोषही घरी आला आणि त्याने आईकडे मालमत्तेची कागदपत्रे मागितली. तेव्हा, स्नेहलता व अँजेलिना या दोघींनी त्याला थांबवण्याचा प्रयत्न केला असता त्याने दोघींना खूप शिवीगाळ केली. आई आणि बहिणींना ढकलून दिले. ‘हे घर माझ्याही मालकीचे आहे. त्यामुळे तुम्ही दोघी घरातून बाहेर पडा’, असा दम त्याने बहिणींना भरला. भाऊ ऐकत नसल्याचे आणि खूप हिंसक झाल्याचे पाहून भेदरलेल्या बहिणींनी पोलिसांना फोन केला. त्याप्रमाणे पोलिस आल्यानंतरच भावाच्या तावडीतून आईची सुटका होऊ शकली. त्यानंतर बहिणींनी आईला रुग्णालयात दाखल केले. मात्र, दुसऱ्या दिवशी आईची प्राणज्योत मालवली.
तारेने गळा आवळून डोंबिवलीतील महिलेचा खून, बारा वर्षांनी आरोपीला शिक्षा
‘मोठा भाऊ प्रकाशसोबत माझा मालमत्तेचा वाद होता. म्हणूनच मला या खोट्या प्रकरणात गोवण्यात आले’, असा दावा करत संतोषने न्यायालयात स्वत:चा बचाव करण्याचा प्रयत्न केला. स्नेहलतानेही न्यायालयात आपला जबाब फिरवला. मात्र, अँजेलिनाने आपल्या जबाबावर ठाम राहून न्यायालयात संतोषविरोधात साक्ष दिली. त्याचबरोबर प्रकाशनेही संतोषविरोधात साक्ष दिली. या दोघांच्या साक्षींबरोबरच सुशीलाच्या मृत्यूबाबतच्या वैद्यकीय अहवालाच्या आधारे न्यायालयाने संतोषला दोषी धरले आणि जन्मठेपेची शिक्षा ठोठावली.
