सातारा :ड्रीम इलेव्हनमुळे कराड तालुक्यातील काले टेक येथील सागर यादव या तरुणाचे नशीब उजळलं आहे. या क्रिकेटप्रेमी युवकाला तब्बल १ कोटी २० लाख रुपयांची रक्कम बक्षीस म्हणून मिळाली आहे.सागर गणपतराव यादव हा कराड तालुक्यातील काले टेक गावातील मध्यमवर्गीय शेतकरी कुटुंबातील तरुण आहे. लहानपणापासून त्याला क्रिकेटचे प्रचंड वेड होते. आयपीएलमध्ये चेन्नईकडून खेळणारा भारताचा माजी कर्णधार महेंद्रसिंह धोनी याचा सागर यादव हा जबरा फॅन…सागरला गेल्या काही वर्षांपासून ड्रीम इलेव्हन या ऑनलाइन गेमचे वेड लागले होते. आयपीएलमधील खेळाडूंचा अभ्यास करत तो ड्रीम इलेव्हनवर टीम तयार करत होता. खूप वेळा प्रयत्न करूनही यश मिळत नव्हते. मात्र त्याने चिकाटी सोडली नाही. अखेर सागरला यश मिळाले.

आई आणि १४ वर्षीय मुलीची गळा आवळून हत्या, पतीवर संशय; घटनेनं सांगलीत खळबळ

सागरने निवडलेल्या टीमला रँकिंग मिळाले आणि तब्बल १ कोटी २० लाख रुपयांचे बक्षीस सागरला मिळाले आहे. या रकमेतील टीडीएस वजा करून ८४ लाख रुपये त्याच्या खात्यावर जमाही झाले. सागरला मिळालेल्या या यशामुळे काले टेक गावात जल्लोष करण्यात आला. नीट अभ्यास करून खेळल्यामुळेच यश मिळाले असून या पैशातून तो आपली स्वप्न साकार करणार असल्याचे सागर याने सांगितले.

हनुमान मंदिरावर हेलिकॉप्टरने पुष्पवृष्टी; पायलट लेकराने स्वप्न साकारलं, आई-वडिलांच्या डोळ्यात आनंदाश्रू

दरम्यान, सागर गोव्यात काही वर्षे नोकरी करत होता. कुटुंब काले टेक येथे शेती करते. सागरला मिळालेल्या यशामुळे कुटुंबीय आणि मित्र मंडळीही भारावून गेले आहेत.

LEAVE A REPLY

Please enter your comment!
Please enter your name here