राष्ट्रीय पेन्शन योजना तुमच्या गुंतवणुकीवर ६० वर्षानंतर पेन्शनचा लाभ देईलच पण सोबत तुम्हाला इक्विटी आणि कर्जाचाही फायदा मिळेल. निवृत्ती योजनेसाठी तुम्हाला गुंतवणूक करायची असेल तर एनपीएस एक उत्तम योजना आहे. सध्याच्या निवृत्ती व्यक्तीसाठी १ लाख रुपये मासिक पेन्श लाभदायक ठरेल, पण २०-२५ वर्षासाठी ते पुरेसे नाही. याचे मुख्य कारण म्हणजे महागाई. ६ टक्के महागाई दर लक्षात घेता सामान मानक राखण्यासाठी तुम्हाला सुरमरे ३.२ लाख प्रति महिना पेन्शन तरी गरजेची असेल.
Tax Saving Tips: नोकरदारांना इनकम टॅक्स वाचवण्यासाठी रामबाण उपाय, लगेच करून पाहा
निवृत्तीच्या वेळी चांगली पेन्शन मिळवण्याचा मुख्य नियम म्हणजे लवकर सुरू करणे, शक्यतो वयाच्या २०व्या वर्षी. जे लोक निवृत्तीसाठी बचत करण्याचा विचार करत आहेत त्यांच्यासाठी सरकार-समर्थित NPS हा सर्वात लोकप्रिय पर्यायांपैकी एक आहे. NPS ट्रस्टच्या अधिकृत वेबसाइटवर उपलब्ध असलेल्या कॅल्क्युलेटरनुसार, जर एखाद्याने वयाच्या २५व्या वर्षापासून NPS टियर-१ खात्यात दरमहा १० हजार रुपये गुंतवण्यास सुरुवात केली, तर त्याला/तिला सुमारे २.५ लाख रुपये किंवा २,४८,६७४ रुपये मासिक पेन्शन मिळू शकते.
पण लक्षात घ्या की हे काही विशिष्ट गृहितकांवर आधारित आहे. पहिली म्हणजे तुम्ही वयाच्या ६० वर्षापर्यंत गुंतवणूक केली पाहिजे आणि तुम्हाला तुमच्या गुंतवणुकीवर ११% परतावा आवश्यक असेल. तसेच, अपेक्षित ॲन्युइटी दर ६% आहे आणि तुम्ही ३५ वर्षांत व्युत्पन्न झालेल्या एकूण सेवानिवृत्ती निधीपैकी १००% वार्षिकी खरेदी करता.
तुम्हाला करोडपती व्हायचं आहे का?, मग ही युक्ती समजून घ्या, रोज वाचवा फक्त ५० रुपये
महत्त्वाची सूचना
पेन्शन योजनेत गुंतवणुक करण्यापूर्वी लक्षात ठेवा की NPS मधून मिळणारा अंतिम परतावा प्रामुख्याने पेन्शन फंडाच्या निवडीवर आणि तुमच्या गुंतवणुकीच्या कालावधीत त्याची कामगिरी यावर अवलंबून असेल. NPS अंतर्गत अनेक फंड आहेत ज्यांनी अगदी १२% पर्यंत परतावा दिला आहे, मात्र याची खात्री देता येत नाही.
(टीप: ही गणना एक अंदाज आहे आणि वास्तविक आकडे भिन्न असू शकतात.)
