याबाबत पोलिसांनी दिलेली माहिती अशी की, नवविवाहिता शिवानी पाटील या आपल्या पतीसह दुचाकीवरून कामाला निघाल्या होत्या. किरकटवाडी फाट्याजवळील रामेश्वर पतसंस्थेच्या समोर वाहनांची वर्दळ असताना मागून भरधाव वेगात आलेल्या अवजड डंपरने दुचाकीला जोरात धडक दिली. त्यानंतर शिवानी या पतीसह रस्त्यावरच पडल्या. त्यात शिवानी यांच्या डोक्यावरून पाण्याच्या टँकरचे चाक गेल्याने त्यांचा जागीच मृत्यू झाला. घटनेनंतर डंपर व टँकर ही दोन्हीही वाहने घेऊन संबंधित चालक पसार झाले आहेत. पोलिसांकडून दोन्हीही वाहनांचा शोध सुरू आहे.
पैसे घरखर्चाला द्या, मित्रांसोबत का उडवता? बापलेकाचं वाजलं, निर्घृण खुनाने नात्याला काळिमा
डंपर आणि टँकरची रोजचीच घाई नागरिकांच्या जीवावर बेतताना पहायला मिळत आहे. नांदोशी येथील दगड खाणीतून अवजड वाहतूक करणारे डंपर नियम डावलून भरधाव वेगाने किरकटवाडी व मुख्य सिंहगड रस्त्यावरुन ये-जा करत असतात. नागरिकांनी अनेक वेळा तक्रारी केलेल्या आहेत. मात्र प्रशासनाकडून याकडे दुर्लक्ष केले जात आहे.
पुण्यातील नवले पुलावर बस आणि ट्रकचा अपघात; चौघांचा जागीच मृत्यू तर बावीस जण जखमी
डंपर व टँकर या दोन्ही वाहनांचा शोध सुरू असून या अपघाताचा व्हिडिओ मिळाला असून लवकरच दोन्ही वाहने व चालक सापडतील. दुर्दैवाने महिलेचा जागीच मृत्यू झाला असून पुढील कार्यवाही सुरू असल्याची माहिती हवेलीचे पोलिस निरीक्षक सचिन वांगडे यांनी दिली आहे.
पाहा व्हिडिओ :
भरधाव डम्परची बाईकला धडक, पुण्यात निवृत्त पोलिसासह पत्नीचा जागेवरच मृत्यू
