नवी दिल्ली :आंतरराष्ट्रीय बाजारात पुन्हा एकदा कच्च्या तेलाच्या दरात वाढ नोंदवली जात आहे. गेल्या वर्षी रशिया-युक्रेन युद्धामुळे विक्रमी स्तरावर पोहोचलेले क्रूड ऑइल सध्या ७० डॉलर प्रति बॅरलच्या वर व्यवहार करत आहे. गेल्या महिन्यात कच्च्या तेलाच्या दरात घसरण झाल्यामुळे भारतात पेट्रोल आणि डिझेलच्या किमती कमी होतील, अशी आस निर्माण झाली होती. मात्र आता क्रूडच्या दरात उसळीसह व्यवहार सुरू असल्यामुळे देशभर वाहन इंधनाच्या किमती भडकण्याची शक्यता आहे.

क्रूड ऑइलचा आजचा दर

दरम्यान, आजही कच्च्या तेलाच्या दरांनी मोठी वाढ नोंदवली आहे. WTI आणि ब्रेंट क्रूड या दोन्ही क्रूडचे दर वाढीसह व्यवहार करत आहेत. WTI क्रूड ऑइल ०.३२ टक्के वाढीसह $७४.५४ प्रति बॅरल तर ब्रेंट क्रूड ऑइल ०.४५% वाढीसह ७८.०४ डॉलर प्रति बॅरलवर व्यवहार करत आहे. या काळात आजही देशांतर्गत बाजारात पेट्रोल आणि डिझेलचे दर जुन्या पातळीवर कायम आहेत.

करोडपती करणारी गुंतवणुकीची ट्रिक; समजून घ्या दररोज ५० रुपये वाचवा अन्…
आज म्हणजेच गुरुवारीही देशात पेट्रोल-डिझेलच्या दरात कोणताही बदल झालेला नाही. २७ एप्रिल २०२३ रोजीही तेल कंपन्यांनी वाहन इंधनाच्या किमती स्थिर ठेवल्या आहेत. अशाप्रकारे आज सलग ३३९वा दिवस असून देशात पेट्रोल आणि डिझेलच्या दरात कोणताही बदल झालेला नाही.

मुंबईत पेट्रोल आणि डिझेलचा भाव
राष्ट्रीय तसेच राज्यस्तरीय पातळीवर इंधन दरात कोणताही बदल न झाल्यामुळे मुंबईकरांना पुन्हा एकदा गाडीची टाकी भरण्यासाठी १०० रुपये प्रति लिटरपेक्षा जास्त पैसे मोजावे लागणार आहे. मुंबईत पेट्रोल १०६.३१ रुपये प्रति लिटर तर डिझेल ९४.२७ रुपये प्रति लीटर दराने उपलब्ध आहे.

फक्त एकदा गुंतवा पैसे अन् आयुष्यभर दरमहा मिळेल हजारोंची पेन्शन, अशी आहे पैसा वसूल योजना
SMS करून इंधनाच्या किमती तपासा
सरकारी तेल विपणन कंपन्या दररोज सकाळी पेट्रोल आणि डिझेलच्या किमती सुधारित करतात. पेट्रोल पंपावर न जात वाहनचालक एक एसएमएसद्वारे पेट्रोल आणि डिझेलचे दैनंदिन दरही जाणून घेऊ शकता. इंडियन ऑइलचे ग्राहक RSP स्पेस पेट्रोल पंप कोड ९२२४९९२२४९ वर एसएमएस करून माहिती मिळवू शकतात तर BPCL चे ग्राहक RSP ९२२३११२२२२ वर एसएमएस पाठवून माहिती मिळवू शकतात. तर, HPCL चे ग्राहक HPPprice ९२२२२०११२२ वर पाठवून किंमत जाणून घेऊ शकतात.

डिझेलसाठी बीड बस डेपोकडे पैसेच नाही; ८२ पैकी फक्त २० बसेस सुरु; प्रवाशांची तारांबळ अन् संताप

LEAVE A REPLY

Please enter your comment!
Please enter your name here