मुंबई : कंडोम आणि गर्भधारणा किट बनावरी कंपनी मॅनकाइंड फार्माचा आयपीओ गुंतवणूकदारांनी घेतला आहे. कंपनीचा IPO सदस्यत्वाच्या शेवटच्या दिवशी १५.३२ पट ओव्हरसबस्क्राइब झाला आहे. मॅनकाइंड फार्मचा IPO २५ एप्रिल रोजी सब्स्क्रिप्शनसाठी खुला झाला होता. तर IPO मध्ये पात्र संस्थात्मक खरेदीदारांचा (QIBs) हिस्सा ४९१६% झाला असून या श्रेणीतील IPO ला बंपर सपोर्ट मिळाला आहे. मात्र, किरकोळ गुंतवणूकदारांचा (आरआयआय) भाग कमी झाला. हा इश्यू फक्त ०.९२ पट सबस्क्राईब होत गैर-संस्थात्मक गुंतवणूकदारांचा (NII) हिस्सा ३८०% झाला. दरम्यान, IPO चे सबस्क्रिप्शन बंद झाले असून या आकडेवारीत थोडाफार फरक असू शकतो.ग्रे मार्केट प्रीमियममध्ये घसरणदरम्यान, ओव्हरसबस्क्राइब होऊनही गुरुवारी फार्मा कंपनीच्या शेअर्स GMPमध्ये घसरण झाली. सोमवारी प्रति शेअर ९२ रुपयांच्या तुलनेत शेअर ३० रुपयांपर्यंत खाली घसरला असून हा ग्रे मार्केट प्रीमियम सूचित करतो की शेअर्सचे मूल्य ऑफर किंमतीच्या वरच्या बँडपेक्षा २.७८% जास्त असू शकते. मॅनकाइंड फार्माच्या आयपीओची किंमत १०२६ ते १०८० रुपये प्रति शेअर निश्चित करण्यात आली होती, तर शेअरचे दर्शनी मूल्य १ रुपये आहे. प्राइस बँडच्या वरच्या स्तरावरून कंपनी IPO मधून ४,३२६.३५ कोटी रुपये उभारण्याचा विचार करत आहे.या लोकांनी IPO मध्ये शेअर्स विकलेमॅनकाइंड फार्माचा आयपीओ निव्वळ विक्रीसाठी ऑफर होता. या इश्यूमध्ये प्रवर्तक आणि इतर विद्यमान भागधारकांनी कंपनीचे ४०,०५८,८४४ इक्विटी शेअर्स विक्रीसाठी ठेवले होते. तर इश्यूमध्ये शेअर्स विकणाऱ्या कंपनीच्या प्रवर्तकांमध्ये रमेश जुनेजा, राजीव जुनेजा आणि शीतल अरोरा यांचा समावेश आहे. याशिवाय केर्नहिल सीआयपीईएफ, केर्नहिल सीजीपीई, बेझ लिमिटेड आणि लिंक इन्व्हेस्टमेंट ट्रस्ट देखील OFS मध्ये सहभागी होतील.कंपनीचा व्यवसाय काय?मॅनकाइंड फार्मा फार्मास्युटिकल्सच्या विस्तृत श्रेणीचा विकास आणि उत्पादन करते. तसेच कंपनी अनेक ग्राहक आरोग्य सेवा उत्पादने देखील तयार करते. मॅनकाइंड फार्माने कंडोम, गर्भधारणा ओळखणे, आपत्कालीन गर्भनिरोधक, अँटासिड पावडर, जीवनसत्त्वे, खनिज पूरक आणि मुरुमविरोधी श्रेणींमध्ये अनेक भिन्न ब्रँड तयार केले आहेत. कंपनीच्या देशभरात २५ उत्पादन सुविधा आहेत.
