६ मे रोजी चार्ल्स अधिकृतपणे ब्रिटनचे राजा बनतील. तर हा राज्याभिषेक काही किरकोळ गोष्ट नाही, तर संपूर्ण जगासाठी एक मोठा सोहळा आहे. या दरम्यान, राजा आणि राणीचा राज्याभिषेक केला जातो आणि प्रेक्षक (नागरिक/प्रजा) ‘गॉड सेव्ह द किंग’चे जयोघोष करतील. ब्रिटनमध्ये राज्याभिषेक एक सरकारी सोह्ल्ला मानला जातो. अशा स्थितीत ब्रिटन सरकार या सोहळ्यासाठी खर्च करणार आहे. लग्न समारंभाचा खर्च राजघराणे स्वतःच हाताळते, मात्र, राज्याभिषेकाच्या शाही खर्चाचा खर्च ब्रिटनमधील सामान्य करदात्यांनी भरला जाईल हे स्पष्ट आहे.
देशात महागाई गगनाला भिडली
या शाही सोहळ्यावर कोट्यवधी रुपये खर्च केले जाणार असून त्याकडे नागरिकांचे लक्ष लागून आहे. दरम्यान, ब्रिटनमध्ये अनेक दशकांनंतर खाद्यपदार्थांच्या किमतीत सर्वात मोठी झेप झाली आहे. संपूर्ण देश महागाईने होरपळत आहे तर, लोक त्यांच्या अन्नासाठी फूड बँक्सवर अवलंबून आहेत, अशी अवस्था झाली आहे. या फूड बँका काही धर्मादाय संस्था चालवतात. पूर्वी या बँका बेघर लोक आणि लहान मुलांपर्यंत अन्न पोचवायचे, पण आता सर्वसामान्यांना खाण्यापिण्याची सोय करण्यासाठी या बँका पोहोचत आहेत. एकीकडे संपूर्ण देश गरिबीशी झुंजत देत असताना दुसरीकडे राजाचा राज्याभिषेक पार पडेल.
किंग चार्ल्सच्या राज्याभिषेक सोहळ्याचा एकूण खर्च
राज्याभिषेकासाठी सुमारे १०० दशलक्ष पौंड (हजारो कोटी) खर्च येईल असा अंदाज आहे. हा सोहळा देशाची जबाबदारी असल्याने या खर्चाचा भारही करदात्यांच्या खांद्यावर पडेल. याआधी १९५३ मध्ये राणी एलिझाबेथ द्वितीय यांच्या राज्याभिषेकात ब्रिटिश सरकारने सुमारे दीड लाख पौंड खर्च केले होते. तर आजमितीस, ते ५० दशलक्ष पौंड, म्हणजेच ५०० दशलक्ष रुपयांच्या जवळपास आहे.
ब्रिटीश वृत्तपत्र ‘द सन’ने दिलेल्या वृत्तानुसार, या समारंभातून सरकारची देखी कमाई होईल. समारंभाच्या टीव्ही प्रक्षेपण हक्क इत्यादींमधून सरकारला मिळणारा महसूल हा समारंभाच्या खर्चापेक्षा अधिक असेल असा अंदाज आहे. याशिवाय राज्याभिषेक सोहळ्यामुळे ब्रिटनमधील पर्यटनालाही चालना मिळण्याचे अपेक्षित आहे. या सोहळ्यासाठी राणीच्या अंत्ययात्रेइतकेच पाहुणे उपस्थित असतील, असे मानले जात आहे. राणीचा अंत्यविधी ३७ दशलक्ष लोकांनी पाहिला.
राज्याभिषेकात काय होते?
दरम्यान, ब्रिटनचा हा सोहळा युरोप आणि जवळपास संपूर्ण जगामध्ये आपल्या प्रकारचा अनोखा आणि भव्यदिव्य सोहळा असतो. जवळपास हजार वर्षांपासून असेच विधी येथे होत आहेत. फक्त, प्रत्येक वेळी पाहुण्यांची संख्या आणि यादी बदलते. यादरम्यान किंग चार्ल्स आणि राणी कॅमिला घोड्याच्या थावर सुमारे ४० मिनिटे एका ठिकाणाहून दुसऱ्या ठिकाणी जातील. अधिक मॅन्युअल नियंत्रणांसह हा आधुनिक रथ असेल. यात इलेक्ट्रिक खिडक्या आणि AC ही असेल. तर राजवाड्यात आगमन झाल्यावर राजाला ७०० वर्ष जुन्या खुर्चीवर बसवले जाईल, त्यानंतर पवित्र पाण्याने अभिषेक केला जाईल आणि मुकुट परिधान केला जाईल. यादरम्यान ७ विविध प्रकारचे सूर वाजवून लष्कराची सलामी दिली जाणार आहे.
राजा कोणता मुकुट धारण करणार?
१७व्या शतकातील सेंट एडवर्ड्स क्राउन आहे, जे घन सोन्याचे बनलेले आहे. सुमारे अडीच किलो वजनाचा हा मुकुट सामान्य प्रसंगी परिधान केला जात नाही, तर केवळ राज्याभिषेकाच्या वेळी, जो प्रतीकात्मक आहे. यानंतर ते जतन करून ठेवले जाते.
अभिनेत्री पद्मिनी कोल्हापुरेने घेतले प्रिन्स चार्ल्सचे चुंबन
